Racom Maubisse 23/06/2023, Tinan ba tinan Parlamentu Nasional aprova orsamentu bo’ot ba seitor infrastruktura, nune’e bele halao dezemvolvimentu ba Estrada nasional ba to’o Estrada rurais sira,, maibe ukun-an tinan rua nulu resin ona, Estrada sira iha area rural seidauk bele hadia. Relasiona ho situasaun ne’ebe mak komunidade aldeia hautado infrenta konaba kondisaun Estrada, maka Komunidade Aldeia Hautado Suco maubisse Villa Husu Governu Foun Tau Prioridade Ba Estrada Nunee Bele Faselita Komunidade nia Produto Lokal ba Merkadu.
Lia Hirak Nee Hatoo Husi Komunidade Domingos de Almeida iha Aldeia Hautado katak, husu ba governu foun atu tau prioridade ba estrada nunee bele fasilita komunidade sira nia produto local ba merkadu, tamba tuir ami ukun-an ne’e 20 anos ona maibe Estrada rural sira seidauk bele hadia.
Domingos de Almeida Magno Salienta liu tan katak estrada nee inportante tebes ba komunidade atu bele assesu ba merkadu tamba ami nia produto hanesan senoura, repoillo, mostarda no seluk tan ami atu lori ba merkadu maibe kondisaun estrada la diak kareta labele mai to’o ami nia aldeia hodi tula, nune’e dala barak ami tula deit ho kuda mak lori ba merkadu maubisse no mos merkadu nasional iha dili.
Koalia konaba Estrada laos iha deit aldeia hautado maibe mos iha suco seluk hanesan Manetu, manelobas no suco edi infrenta mos situasaun hanesan. Tamba ne’e husu ba nunu governu atu tau prioridade ba Estrada rural sira hodi bele facilita komunidade agrikultor sira lori produtu local ba merkadu no iha sorin seluk ho kondisaun Estrada ne’ebe at difikulta mos komunidade sira atu kontrui sira nia uma diak tamba atu asesu ba material sira hanesan tula rai henek, fatuk no mos tula kalen besi, njo simente susar tebes.
Jornalista :Natalino Mendonca
Editor :Joaquim Coutinho
