Racom Maubisse (15/06/2023) Sekretáriu Estadu Kooperativa (SEKOOP) Elizário Ferreira Kinta Feira ne’e iha Salaun Paroquial Igreja Santa Maria Ainaro fó tomada de posse ba estrutura Eleitu Kooperativa Kréditu tolu maka hanesan kóperativa Buka Rasik Osan (BRO), Kooperativa Loron Aban Hahú Ohin (LAHO) no Kooperativa Hadia Moris Ba Futuru (HMF)
Estabelesementu Kóperativa ne’e hanesan esforsu kolaborativu entre Plan Internasional, ho Governu Timor Leste Liu husi Sekretária Estadu Kóperativa (SEKOOP) ho membru Komunidade (rai no impresta).
Alem de objetivu husi estabelesementu Kóperativa atu bele halo difirensa siknifikativu iha Komunidade sira nia moris no kria komunidade ne’ebé forte no prosperu liu tan ba ema hotu hodi bele kontribui ba prosesu dezemvolvementu Nasional iha seitór hotu-hotu.
Relasiona ho ida ne’e Iha intervensaun Sekretáriu Estadu Kooperativa (SEKOÓP), Elizário Ferreira, ható parabéns ba Organizasaun Plan Internasional nia servisu hodi realiza seremonia Toma Posse ne’e. Alem de husu ba estuktura koóperativa ne’ebé hetan Posse liu-liu ba direjente sira tenke iha responsabilidade ba Kooperativa no lideransa tenki sai mahon ba Kóperativa.
“Hau hakarak hato parabens ba Plan ninia servisu ohin ita bele fó Tomada de Posse ba Kóperativa 3 iha Munisípiu Ainaro. Hanesan rekomedasaun tenki kopera nafatin ho Sekretária Estadu Kóperativa nian no halao knar ho responsabilidade” Tenik Sekretáriu Estadu Kóperativa 15/06/2023.
Membru Governu ne’ebé tutela ba asuntu Kóperativa ne’e kuntinua hatutan husi parte Sekretária Estadu Kóperativa pronto atu kópera nafatin ho Plan Internasional hodi dezemvolve lalaok kóperativa sira lao diak liu tan iha future.
Fatin hanesan Cantry Direktora Interina Plan Internasional Fátima Estrela Soares hateten, ho programa ida ne’e oinsa maka atu hasa’e diak liu tan seguransa ekonomia atu inan feton sira bele asesu ba fornesementu finansial iha komunidade.
“Plan nninia programa ida ne’e fokus oinsa maka bele hasa’e seguransa ekonomia no oinsa maka inan feton sira, foinsa’e sira bele asesu ba fornesementu finansia husi foinsa’e sira rasik iha komunidade, ita garantia no hodi dehan 60% foinsa’e feto maka lidera ida ne’e hodi haforsa rezilensia iha Komunidade.” Dehan Cantry Direktora Interina Plan Internasional iha Timor-Leste
Fátima Estrela Soares fundamenta tan implementasaun ba programa ida ne’e Fundus husi organizasaun Plan Internasional no husi Governu Australia liu husi programa DIFAT ho total orsamentu besik Rihun Atus Rua ba Munisípiu Aileu no Ainaro.
“Grupu sira ne’e hetan fundus husi Plan nia fundus rasik no mós husi Governu Australia liu husi Programa DIFAT. Grupu sira ne’e iha membru hamutuk 1.039 iha Aileu grupu 34 maka tranfere on aba Kóperativa, iha Ainaro grupu 9 maka transfere ba Kóperativa ho total orsamentu ne’ebé maka agora dadauk sira iha besik Dua Ratus Ribu ne’ebé maka sira halao sira nia operasaun iha Komunidade.” Hakotu Cantry Direktora Interina Plan Internasional iha Timor-Leste
Biban hanesan Administradór Munisípiu Ainaro Leovigildo Amaral Pereira husu ba estrutura eleitu Koóperativa tolu ne’ebé simu tomada de posse atu iha responsabilidade hodi hasa’e kooperativa ne’e ba oin.
Nune’e nia mós agredese ba Ajensia Nasionál no Internasionál ne’ebé maka apoiu no suporta ona Komunidade iha Munisípiu Ainaro.
Marka Prezensa iha seremonia ne’e Diretur Jerál no Nasionál Sekretáriu Estadu Koóperativa (SEKOOP), Administradór Munisípiu Ainaro Leovigildo Amaral Pereira, Ekipa PLAN Internasionál, komando PNTL Munisípiu Ainaro, Amu Vigáriu Paroquia Santa Maria Ainaro no membru Kooperativa sira hotu.
Eventu tomada de posse ne’e organiza husi Plan Internasionál no servisu hamutuk ho Sekretáriu Estadu Kooperativa.
Jornalista Moises Magno
Editór Joaquim Coutinho
