Dom Norberto do Amaral “Festa Kultura Fahi Ulun Atu Halibur Sarani Maubisse Hodi Selebra Loron Nain Feto, Tamba Ne’e Kontribuisaun Importante Tebes

0
11 views

Racom Maubisse (11/06/2023) Segundu Pároco  Paroquia Imaculado Coração de Maria Maubisse (PICOMA sigla Portugés) Aktual Bispu Diosece Maliana Dom Norberto do Amaral hateten Festa Kultura Fahi Ulun Atu Halibur Sarani Mai Iha Paroquia Hodi Selebra Loron Nain Feto Tamba Ne’e Kontribuisaun Importante Tebes.

Aktual Amu Bispu Diosece Maliana no Prezidente Konferensia Episkopal Timorense (CET sigla Postugés) Dom Norberto do Amaral ható ne’e ba Jornalista Radiu Komunidade Maubisse Mau-Loko iha nia rezidensia Domingu loron 11/06/2023, hafoin hasoru malu ho Prezidente Komisaun Organizadora ba Festa tinan 40 existensia Paroquia Maubisse no Festa Kultura Fahi Ulun.

Segundu Pároko PICOMA ne’e Sujere ba Sarani Maubisse atu kaer metin nafatin Festa Kultura Fahi Ulun ne’e.

“Ba hau  nia hanoin sebele kaer metin nafatin ida ne’e diak liu tan, maibe ida ne’e depende ba Paróco idak-idak nia hanoin diak atu halao se lakohi halao la obriga imi atu halao buat ida ne’e. Maibe Festa ne’e atu halibur Sarani hotu mai iha Paroquia loron ida ne’e loron espesial ida atu hanoin kona Inan Virgin Maria Ninia loron. I núne’e hodi hán netik buat ruma. Hau hanoin ida ne’e kontribuisaun ne’e imprtante tebes, kontribuisaun iha momentu ne’ebá ne’e Paroquia sai kuaje metade depois maka sarani sira fó itoan-itoan mai tau hamutuk para bele halo Festa ne’e mais agora la hatene halo núne’e maka ne’e hau la hatene purque ida ne’e Pároco idak-idak nia hanoin nia planu hau mós la hatene. Agora atu halao ne’e oinsa depende ba idak-idak nia hanoin oinsa maka atu bele konvoka ema ne’e hamutuk ida deit ho neon ida deit laran ida deit hodi selebra hodi hanoin didiak loron ida ne’e, tamba loron ida ne’e importante tebes ba sarani hotu ne’e duni ba Pároko sira buat ida ne’e buat diak ba sarani sira nia moris,  diak ba ita nia moris hotu dala ida núdar sarani ne’ebé iha Paroquia Maubisse”. Hateten Dom Norberto ba Jornalista RKMM 11/06/2023.

Segundu Pároco  Paroquia Imaculado Coração de Maria Maubisse (PICOMA sigla Portugés) Aktual Bispu Diosece Maliana Dom Norberto do Amaral haktuir mós rajaun hamosu Festa Fahi Ulun iha momentu ne’ebá katak;

“Fahi Ulun ne’e mosu tamba premeiru iha momentu ida ke hanoin ba hanoin mai la diak, Festa ida Padroeira nian ne’e ema la dun mai. Depois maka hahú hanoin atu bele kria buat ida Fahi Ulun ne’e hodi konvoka Suku sira hotu mai atu bele halao festa ida ne’e giliran tinan ne’e iha Suku ida tinan oin mai iha Suku Seluk. Tamba ne’e Festa ne’e atu halo didiak ne’e hahú uluk husi Paroquia Apostuladu Orasaun sira ami maka kaer buat ida ne’e  hodi halao tinan ba tinan iha Paroquia Maubisse ne’e.” Haktuir Dom Norberto ba Jornalista.

Nai Bispu Diosece Maliana Fundamenta liu tan katak;

“Ida ne’e tama itoan Inkulturasaun maibe Inkulturasaun atu tama metin liu ne’e tenki hakbesik lai sarani ba Igreja mais Inkulturasaun hau hare lao mais hanesan la tuir hau nia esperansa ne’e mais tuir Pároko idak-idak nia hanoin, hare depois halao buat ida ne’e tó ohin loron ne’e maka hanesan Fahi Ulun ne’e”. Hakotu Nai Bispu.

Entertantu tuir ajenda no programa sira ne’ebé prepara husi Komisaun Organizadora Sesta Fera loron 16/06/2023 simu Sua Eminencia Dom Virgilio Cardeal do Carmo da Silva ho kometiva, kuntinua halo Inaugurasaun ba Kapela São Mateus Quiricoli Maubisse. Loron 17/06/2023  Sua Eminencia Dom Virgilio Cardeal do Carmo da Silva ho kometiva, Inaugura Monumentu Jesus Divina Miserecordia iha Edi Lau Maubisse. No loron 18/06/2023, Simu Amu Pároko foun, Missa solene ba Padroeira PICOMA, hafoin seremonia kultura entrega Fahi Ulun.

Jornalista                     Joaquim Coutinho

Editór                          Moises Magno

0 0 votes
Article Rating
Subscribe
Notify of
guest
0 Comments
Inline Feedbacks
View all comments