Racom Maubisse (18/06/2023) Prezidente Komisaun Organizadora ba Fesra Tinan 40 Paroquia Maubisse no Festa Kultura Fahi Ulun, no simu Amu Pároco Foun, Manuel Sequeira de Araújo relata ida ne’e liu husi nia diskursu iha selebrasaun Missa agradesementu ba existensia Paroquia Imaculado Coração de Maria Maubisse (PICOMA) ne’ebé presidi husi Arcebispu Dili Dom. Virgílio Cardeal do Carmo da Silva SDB, Domingo (18/06).

Manuel Sequeira de Araújo agrdese ba parte hotu nia partisipasaun iha selebrasaun ida ne’e, no kontribuisaun  hamutuk hodi realija eventu komemorativu ida ne’e iha Parpquia Imakuladu Coração de Maria Maubisse (PICOMA). Ho totál orsamentu ba realizasaun eventu hítóriku ida ne’e hamutuk $ 13.564.00 Dolares Amerikanu.

“Iha biban murak ida ne’e, lori komisaun organizdora nia fatin no naran, hakarak hato’o obrigadu no agradedece ba parte hotu nia prezensa no kontribuisaun, ikus bele realiza  festa padroeira paroquia imaculado coracao de maria maubisse, 40 anus existensia paroquia maubisse, festa kultural fahi ulun no simu amu paroco foun, lao ho diak, maske iha falhansu balun no ida ne’e sai hanesan lisaun no esperiensia mai komisaun no ita hotu. Hanesan ita hotu hatene katak, paroquia maubisse existe ona tinan 40 liu ba, hasoru dezafius oi oin, iha nia lalaok durante tinan 40, maibe liu husi situasaun sira ne’e hotu ohin loron ita hamutuk lolo liman hamutuk no kahe kabas ba malun ho kaer liman metin bele hakat mai to’o ohin loron. Ba ida ne’e ita hotu nia orgulho no nafatin iha esperanca atu hakat nafatin ba oin hodi dezemvolve diak liu tan paroquia Maubisse, basa ita mak nain ba paroquia ida ne’e.” Hateten Prezidente Komisaun liu husi diskursu 18/06/2023

Manuel Sequeira de Araújo relata; Iha biban ida ne’e mos la haluhan lori komisaun nia naran no seksaun animasaun hakarak hato’o obrigadu no agradece ba ita nia artista nain rua maun abito gama, maun chico ramelau ne’ebe horkalan anima tebes ida, e mos la haluhan hakarak hato agradece ba maun fernando silva ho nia ekipa ne’ebe ajuda ona komisaun liu husi ekipamentus sira, agradece mos ba seksaun hotu ne’ebe hamahan an iha komisaun organizadora hodi realiza festa ida ne’e. Hein katak ho amu paroco foun, ita sei bele servisu hamutuk, hodi hadia diak liu tan paroquia ida ne’e ho buat lubuk ne’ebe amu paroco sesante padre feliciano rai hela. Tamba ne’e iha biban ida ne’e atu hato’o deit ba maluk sarani sira katak durante ita nia preparasaun ba festa padroeira, 40 anus existensia paroquia maubisse, festa fahi ulun no simu ita nia paroco foun maksimu tebes, maske dala ruma ita hirus malun, maibe ne’e la signifika atu destroi ka estraga maibe ne’e hanesan esperiensia diak ida nune’e ba futuru bele hadia diak liu tan. Tamba ne’e hau ata sei la koalia barak, tuir mai sei hato’o deit   total orsamentu ne’ebe mak hetan husi maluk sarani sira hodi realiza feta ida ne’e hamutuk $13, 564.00, Ita gasta ona $ 13,364.00 falta $ 200.00. Hau ata hanoin ida ne’e mak hau bele hato’o iha momentu ida ne’e, atu hatene diak liu tan relatoriu kompletu bele asesu iha kanal radio mauloko maubisse, nomos bele rona direta husi audio ne’ebe mak komisaun prepara ona iha ekipa animador, nune’e bele hatene klaru konaba orsamentu ne’ebe tamba no gastus sira e mos kontribuisaun material sira. Tamba ne’e antes remata lori komisaun organizadroa nia naran hato’o obrigadu no agradece wain tebes ba maluk sarani sira hotu nia tulun tantu material non material, nomos orsamentu sira, ikus ita bele realiza ita nia festa ida ne’e lao ho diak. Nune’e ita bele dehan “Na’i Nia reinu hahu duni, nu’udar fini ne’ebe ki’ik maibe moris mai bo’ot no manu sira lalehan nian mai halo knu’uk iha nia sanak sira”. Hanesan Evangelho São Lucas Nian  haktuir: “Buat ne’ebe ita husu, ita simu duni, buat ne’ebe ita buka ita hetan duni no ita tuku odamatan, odamatan sei nakloke”. Ikus liu ho harik an  ami husu amu feliciano bele hamrik iha oin hodi haraik hela bensaun no perdaun mai ami sarani maubisse, nune’e maske ita fahe malu husi fatin ida ne’e, maibe ita nafatin iha orasaun.” Hakotu Prezidentei Komisaun Organizadora

Jornalista            Moises Magno

Editór                Joaquim Coutinho