Racom Maubisse 18/06/2023) Arcebispo Metropolitana Díli Dom Virgílio Cardeal do Carmo da Silva, SDD durante loron 3 vizita sarani Paroquinos Maubisse avalia katak, estrada rurál sira husi Munisípiu liga ba Suku no Aldeia sira iha teritóriu nasionál, kondisaun a’at tebes, nune’e difikulta sirkulasaun transporte públiku no privadu sira.
Dom virgílio Cardeal do Carmo da Silva mós nota katak, uma-kain barak seidauk asesu ba liña eletrisidade, be’e-mo’os no infra-estrutura bázika sira seluk tan.
“Premeiru Estrada agradese tamba komunidade sira maka ké husi Manetu tun tó ba Quiricoli, maske sira halo sakrefisiu bót ida tó iha ne’ebá maibe sira hakarak duni atu hau bele tó iha ne’ebá. Alende Estrada sira mós eletrisidade seidauk hetan.” Hateten Arcebispo Metropolitana Díli Dom Virgílio Cardeal do Carmo da Silva, SDD ba Jornlista Rádiu Komunidade Maubisse Mauloko 18/06/2022.
Tamba ne’e, Cardeal do Carmo sujere ba governu foun atu tau prioridade hodi hadia estrada hirak ne’e, hodi fasilita komunidade asesu ba merkadu no ba nesesidade seluk tan.
“Ita Ukun Rasik-An tinan 20 resin ona maibe iha ita nia nia parte ne’ebá Manetu ninian hau rona katak laos Quiricoli deit sei iha aaldeia lubuk ida tan ne’eb’e hau rona seidauk hetan, premeiru Estrada ne’ebé diak, e sigundu mós eletrisidade atu ita nia maun alin sira iha ne’ebá bele senti kona-ba ita nia valor husi Ukun Rasik-An ninian. Ne’e duni hau hanoin ida ne’e rekomendasaun ida mós ita bele dehan ba iha ita Nai Ulun sira, ita nia Governasaun foun ne’e bele tau mós ida ne’e liu-liu bele tó ba iha areas mais remotas. Hatene iha ita teritóriu liu-liu iha ita nia rai ne’e fatin barak sei presija duni buat ne’ebé nesasidades báziku liu-liu estrada, be mós e eletrisidade”. Hakotu Arcebispo Metropolitana Díli Dom Virgílio Cardeal do Carmo da Silva, SDD ba Jornlista Rádiu Komunidade Maubisse Mauloko
Rekorda katak, VIII Governu Konstitusional liu husi Minstériu Obras Públikas mós orienta ona institutu Jestaun Ekipamentu, apoiu dezenvolvimentu infra-estrutura, hodi halo normalizasaun ba estrada rurál sira iha Munisípiu, nune’e bele hafasil movimentu sidadaun no transporte.
Entertantu aktividade durante vizita Sua Eminência Dom Virgílio Cardeal do Carmo da Silva,SDB iha Paroquia Maubisse maka hanesan Inaugurasaun ba Kapela São Mateus Quiricoli Maubisse. Inaugura Monumentu Jesus Divina Miserecordia iha Edi Lau Maubisse, Tomada de Posse ba Amu Pároko foun, ikus liu Missa solene ba Padroeira PICOMA, hafoin seremonia kultura entrega Fahi Ulun husi Paroquia ba Sarani no lia nain sira husi Suku Maulau Postu Administrativu Maubisse Munisípiu Ainaro.
Jornalista Moises Magno
Editór Joaquim Coutinho
