Racom Maubisse (17/06/2023) Sua Eminência Dom Virgílio Cardeal do Carmo da Silva,SDB Sábado nee inaugura Estátua Jesus Divina Misericórdia iha foho Edi Lau, Suko Edi ne’ebé pertence ba Paróquia Imaculada Conceição de Maria Maubisse (PICOMA).
Iha Arcebispo Metropolitana de Dili nia homilia, hatoó ninia agradecimento ba sarani Suco Edi, ne’ebé ho sira ninia inisiativa rasik hodi hari Estátua refere.
Além de ne’e mós, Sua Eminência Dom Virgílio Cardeal agradese mós ba grupu no individu nebe ho laran luak fó sira nia tulun tanto espirituais no materiais hodi ikus mai bele finaliza.
Sua Emenincia Dom Virgilio Cardeal da Silva hateten, Ho Prezensa Ilhas Jesus Divina Miserecordia Iha Edi-Lau Maubisse laos Sai Mahon Ba Sarani Maubisse Munisípiu Ainaro deit maibe sai hanesan mahon Katólika Timor Laran tomak No Sai Modelu Mai ba sarani idak-idak.
“Jesus Divina Miserecordia harí iha ne’e, ninia prezensa iha ne’e atu hamahan sarani tomak laos deit iha Maubisse Ainaro maibe it abele dehan ba Timor tomak nia mós sai modelu mai ita. Atu ita iha ita nia susar ita nia terus ita kuntinua hare ba nia, haré ba Nain Feto ita la senti mesak durante funu ninian husi kedas liu-liu iha 1.999 ninian kundu buat ruma ita sempre halai ba Nain Feto Ramelau, agora iha tan Jesus Divina Miserecordia haforsa liu tan, atu proteje liu tan povu ida ne’e sarani ida ne’e ne’ebé fiar iha Maromak Aman Oan no Espiritu Santu.” Dehan Sua Emenincia Dom Virgilio Cardeal da Silva SDB 17/06/2023.
Premeiru Cardeal Rai doben Timor Leste ne’e kuntinua haklaken liu tan katak;
“Iha antigu testamentu ninian wainhira Maromak kolia kona-ba Foho, Foho fatin ne’ebé as iha Foho fatin ba ita ema atu hodi hasoru malu ho Maromak, iha Foho fatin ita bele husik hela ita nia prokupasaun sira sasan barak mós ita labele lori mai iha ne’e ita lori deit maka faru ho faru manas ne’e duni mai iha Foho ne’e mai duni ho finalidade ida katak it aba atu Reza, ba atu hasoru malu ho Nai Maromak.” Dehan Dom Virgilio Cardeal da Silva
Entertantu Konstrusaun ba Monumentu Jesus Divina Miserecordia Iha Edi-Lau ho Total Orsamentu Rihun Sanolu Rasin Walu Resin.
Partisipa iha missa inauguração Estátua Jesus Divina Misericórdia ne’e, Padres, madres, Autoridades no sarani Paroquiano Maubisse ninian, liuliu Suku Edi.
Jornalista Moises Magno
Editór Joaquim Coutinho
