Racom Maubisse (18/06/2023) Selebra Tinan 40 Paroquia Imaculado Coração de Maria Maubisse (PICOMA) No Festa Kultura Fahi Ulun Hanesan Momentu Grasa no Históriku Ba Sarani Maubisse

Sua Eminência Dom Virgílio Cardeal do Carmo da Silva SDB, hateten ida ne’e wainhira prezidi missa agradesementu ba momentu históriku  ejistensia Paroquia Imakuladu Corasaun de Maria Maubisse (PICOMA) no Festa Kultura Fahi Ulun Domingu ne’e iha Igreja Imaclado Coração de Maria Maubisse. 

Alem de ida ne’e liu husi Missa ida ne’e mós Arcebispo Metropolitana de Dili  fó posse ba Amu Pároko Foun Pe. João Soares hodi troka Amu Pároko sesante Pe. Felisiano Barreto Rodriques Soares.

Iha Arcebispo Metropolitana de Dili nia homilia hateten, Selebra Tinan 40 PICOMA No Festa Kultura Fahi Ulun Hanesan Momentu Grasa no Históriku Ba Sarani Maubisse, no hanesan momentu ida hatudu mai ita katak Maromak la haluhan Ninia povu, la abandona Ninia povu no Maromak kuntinua tau matan ba Ninia povu.

“Maubisse Kompleta tinan 40 harí núdar Paroquia Maubisse ninian tamba ida ne’e partikularmente ohin kompleta 40 anos ejistensia Paroquia Maubisse. Ita mós halo festa Padroeira ninian, iha momentu ida ne’e mós maka ita ajisti kona-ba mudansa Pároco ninian husi Amu Feliciano ba Amu João loron hirak ne’e tó ohin ita hare katak buat lubuk ida ne’ebé lao akontesementu lubuk ida ne’ebé akontese iha ita nia Paroquia. Ne’e duni ita bele dehan akontesementu sira ne’e hotu hatudu laos deit eventu históroku ida maibe momnetu ida momentu grasa ninian, momentu ida mós hatudu mai ita katak Maromak la haluhan Ninia povu, Maromak la abandona Ninia povu, Maromak kuntinua tau matan ba Ninia Povu”. Dehan Dom Virgilio Cardeal do Carmo da Silva SDB 18/06/2023.

Além de iha missa agradesementu ida ne’e  Sua Eminência Dom Virgílio Cardeal do Carmo da Silva fó Krisma Krimandu 183, iha missa komemorativu ne’e iha Igreja Maubisse.

Ba Krismandu sira ne’ebé simu dadauk bensaun Cardeal husu hanesan foinsa’e hatene agradese no obrigadu ba Inan ho aman sira, no mestre sira iha eskola. Núne’e mós agradese ba Nai Maromak ba diak tomak ne’ebé Nia haraík mai ita.

“Loron-loron o husu baa pa ama 5 cent dala hira maka o fó obrigadu baa pa ho ama liu-liu ba Krismandu sira hanoin tók ba. Iha eskola mós hanesan tó tempu ijame ne’e maka ita la pas aba tuda tan Mestre sira nia uma, pasa tia la ható tan obrigadu ba Mestre sira. Tamba ne’e Maromak hatudu diak oi-oin mai ita maibe ita mós dala ida atu fó agradese ba Maromak ba diak tomak fó mai ita.” Hakotu  Sua Eminência Dom Virgílio Cardeal do Carmo da Silva.

Biban ida ne’e mós Tuir relatóriu ne’ebe aprejenta husi Prezidente Komisaun Organizadora ba Fesra Tinan 40 Paroquia Maubisse no Festa Kultura Fahi Ulun, Manuel Sequeira de Araújo agrdese ba parte hotu nia partisipasaun iha selebrasaun ida ne’e, no kontribuisaun  hamutuk hodi realija eventu komemorativu ida ne’e iha Parpquia Imakuladu Korasaun de Maria Maubisse (PICOMA sigla Portugés). Ho totál orsamentu ba realizasaun eventu hítóriku ida ne’e hamutuk $ 13.564 Dolares Amerikanu.

“Iha biban murak ida ne’e, lori komisaun organizdora nia fatin no naran, hakarak hato’o obrigadu no agradedece ba parte hotu nia prezensa no kontribuisaun, ikus bele realiza  festa padroeira paroquia imaculado coracao de maria maubisse, 40 anus existensia paroquia maubisse, festa kultural fahi ulun no simu amu paroco foun, lao ho diak.Hein katak ho amu paroco foun, ita sei bele servisu hamutuk, hodi hadia diak liu tan paroquia ida ne’e ho buat lubuk ne’ebe amu paroco sesante padre feliciano rai hela.Tamba ne’e iha biban ida ne’e atu hato’o deit ba maluk sarani sira katak durante ita nia preparasaun ba festa padroeira, 40 anus existensia paroquia maubisse, festa fahi ulun no simu ita nia paroco foun maksimu tebes, maske dala ruma ita hirus malun, maibe ne’e la signifika atu destroi ka estraga maibe ne’e hanesan esperiensia diak ida nune’e ba futuru bele hadia diak liu tan. Tamba ne’e hau ata sei la koalia barak, tuir mai sei hato’o deit   total orsamentu ne’ebe mak hetan husi maluk sarani sira hodi realiza festa ida ne’e hamutuk $13, 564.00 Relata Prezidente Komisaun Organizador,

Manuel Sequeira de Araújo kuntinua hatutan maske realizasaun eventu ida ne’e mosu failhansu kík balun maibe ida ne’e sai hanesan esperensia foun atu kuntinua hadia diak liu tan iha eventu sira tuir mai.

“Maske iha falhansu balun no ida ne’e sai hanesan lisaun no esperiensia mai komisaun no ita hotu. Hanesan ita hotu hatene katak, paroquia maubisse existe ona tinan 40 liu ba, hasoru dezafius oi oin, iha nia lalaok durante tinan 40, maibe liu husi situasaun sira ne’e hotu ohin loron ita hamutuk lolo liman hamutuk no kahe kabas ba malun ho kaer liman metin bele hakat mai to’o ohin loron.” Nia Dehan.

Tamba ne’e hanesan Maubisse oan tenki orgullo no dezemvolve diak liu tan Paroquia Maubisse, tamba tuir nia katak Maubisse oan maka hanesan nain ba Paroquia Imakuladu Korasaun de Maria Maubisse (PICOMA sigla postugés).

“Ba ida ne’e ita hotu nia orgulho no nafatin iha esperanca atu hakat nafatin ba oin hodi dezemvolve diak liu tan paroquia maubisse, basa ita mak nain ba paroquia ida ne’e.” Hakotu Prezidente Komisaun

Entertantu aktividade durante vizita Sua Eminência Dom Virgílio Cardeal do Carmo da Silva,SDB iha Paroquia Maubisse maka hanesan Inaugurasaun ba Kapela São Mateus Quiricoli Maubisse. Inaugura Monumentu Jesus Divina Miserecordia iha Edi Lau Maubisse, Tomada de Posse ba Amu Pároko foun, ikus liu Missa solene ba Padroeira PICOMA, hafoin seremonia kultura entrega Fahi Ulun husi Paroquia ba Sarani no lia nain sira husi Suku Maulau Postu Administrativu Maubisse Munisípiu Ainaro.

Jornalista                     Moises Magno

Editór                          Joaquim Coutinho