Racom Maubisse (01/06/2023) Direktur Eskola Ensinu Básiku Sentral (EBC sigla Postugés) Rita, Francisco Mendonça da Conceção hateten ida ne’e ba Jornalista RKMM iha ambítu Komemorasaun Loron Mundial ba labarik kinta ne’e iha nia knar fatin Eskola EBC Rita Suku Maulau Maubisse Munisípiu Ainaro.

“Ho loron Mundial ba labarik nian ne’ebé ohin selebra iha ne’e hau nia mensajen ba professores sira maka ne’e, ita tenki kumpri ba lei no orden. Ne’ebé kuandu bainhira ita tama iha sala de aula ka ho alunus sira iha areadores eskola ita tenki ho laran maus, ho oin ne’ebé hambasa atu núne’e bele atrai estudante sira lor-loron bele ativa iha ensino de apredisazem. Tamba ita sai manorin tenki hakuak metin sira tamba inan aman sira invia sira mai iha eskola inan aman provisoriamente lor-loron maka professores sira.” Hateten Francisco Mendonça da Conceção 01/06/2023.

Lia menon hanesan hato mós husi Inspektur Eskola Postu Administrativu Maubisse Area B, Jeraldo Carlos.

“Ho loron mundial ba labarin nian ne’e importante tebes, hau husu ba manorin nain sira karik atu hanorin estudante sira labele ho lia fuan ne’ebé maka kroat, atu núne’e bele kuidadu labarik sira iha aktividade apredisazem ne’ebé maka diak atu labarik sira bele alkansa sira nia futuru ne’ebé maka diak no naroman ba Timor-Leste”. Dehan Inspektur Eskola Zona B Postu Administrativu Maubisse Munisípiu Ainaro.

No Aktividade ba Komemorasaun Loron Mundial labarik nian ne’e iha Eskola EBC Rita maka hanesan seremonia dadasa’e Bandeira Nasional, Sertame, no aprejentasaun puisia husi Estudante sira, Inklui aktividade sira seluk tan ne’ebé relevante ba iha labarik sira.

Entretantu aktividade ida ne’e realija husi Eskola Ensinu Básiku Sentral (EBC sigla Postugés) Rita ho nia Agrupamentu, ho total Estudante Rihun ida Resin, no partisipa husi Dirijentes Eskola ne’ebé ejisti iha Postu Administrativu Maubisse Munisípiu Ainaro

Jornalista Moises Magno