Racom Maubisse (01/06/2023) Prokupasaun ne’e ható husi Direktur Eskola Ensinu Básiku Sentral (EBC sigla Postugés) Rita, Francisco Mendonça da Conceção ba Jornalista RKMM iha ambítu Komemorasaun Loron Mundial ba labarik kinta ne’e.

Francisco Mendonça esplika kondisaun ne’ebé grave liu tan maka mota, tamba maioria estudante barak maka tenki hakur mota hanesan iha area kamlai nian, no husi area Suku Edi ninian.

“Iha Tempu udan maka ita haré katak tuir klíma Maubisse ninian dala ruma tó fali iha fulan agostu mós bele udan hela. Tamba ne’e maka estrada tama husi Maubisse Villa mai tó iha mota Aus Laktei kuntinua mai tó iha eskola ne’e dalan sei at liu hela tamba tempu udan alunus mai deit mós araska. Hanesan iha parte Suku Edi nian iha mota bót ida liu-liu ba terseiru Siklu sira, no m’os husi Maubisse oan sira iha Kamlai nian mós hasoru situasaun hanesan”. Hateten Direktur Eskola ne’e 01/06/2023.

Nia haktuir maske oras ne’e dadaun iha Kompañia balun hahu halo ona konstrusaun maibe agora sei paradu hela. Maske paradu maibe ho esparansa katak sei hadia ita tempu badak hodi fasilita estudante asesu ba eskola ho diak, inklui komunidade sira bele trasporta produtu asesu ba iha Merkadu.

Jornalista Moises Magno

Editor JOaquim Coutinho