Maubisse (29/05/2023) Prokupasaun ne’e ható husi Jerante Gruta MADED Bihetu Rem Maubisse Lucas Lopes Martins Segunda ne’e (29/05)
Lucas esplika ho kondisaun dalan ne’ebé susar ultrapasa iha iha tempu udan iha vizitantes balun vizita, maibe iha barak maka fila deit iha klaran.
“Estrada maka difikulta vizitantes sira ba vizita hetan duni vizita maske ho kondisaun dalan ne’ebé la diak to iha Gruta maibe balun tamba estrada la diak tenki fila deit iha dalan la konsege tó mai iha Gruta.” Dehan Lucas ba Jornalista RKMM 29/05/2023.
Ho kondisaun ne’e maka Foinsa’e sira hamutuk ho Komunidade Aldeia 3 Suku Maubisse Villa Mobilija hodi kontribui forsa hamutuk ke no taka estrada kuak sira ho Voluntariumente.
“Tamba ne’e Ami husi Aldeia tolu hanesan Hautado, Sarlala no Hatufae tau liman hamutuk no kahe kabas ba malun halao limpeza ida ne’e hodi halo preparasaun Peregrinasaun Nain Feto hodi insera Missa iha Gruta MADED”. Lucas Hateten 29/05/2023.
Lucas hatutan liu tan katak, Estrada ne’e laos foin hadia maibe hadia bebeik nune’e bele fasilita movimentu, liu liu komunidade agrikultor sira atu lori sira nia produ lokal ba merkadu Maubisse nomos ba Dili.
“Tamba ne’e em relasaun ho loron Nain Feto Nian, ami libur hamutuk oinsa tau hanoin hamutuk no fo liman ba malu hodi hadia Estrada ne’e diak liu tan, nune’e laos ba deit loron boot maibe ho limpeza ida ne’e atu bele ajuda mai oinsa bele facilita inan aman sira lori produtu local ba merkadu. Tamba ne’e hanesan Juventude ida Suku Maubisse atu rekomenda deit ba Autoridade sira karik iha posibilidade bele ajuda ami juventude sira ami prontu nafatin atu servisu hodi kontribui ba ita nia rain” Hakotu Lucas
Jornalista Natalino Mendonça
Editor Joaquim Coutinho
