Racom Maubisse, (20/05/2023) Sabadu ohin loron 20 fulan Maiu 2023, oras tuku sia ho balun Sekretáriadu Tékniku Administrasaun Eleotorál (STAE) Munisípiu Ainaro, akompanha husi Komisaun Nasioanl Elisaun (CNE sigla portugés) Fiskais husi Partidu Pólitiku sira, Observador Nasional Internasional, Administrador Munisípiu, no Kamdante PNTL inklui Direktóres Liña Ministériais, halao seremonia deslokasaun matreal Elisaun Sensitivu ho la Sensitivu ba Sentru Votasaun hamutuk 90 no Estasaun de Votu 115 iha Munisípiu Ainaro.

Antes atu desloka iha Seremonia ne’ebé realija iha Edefisiu STAE Munisípiu Ainaro, Direktur STAE Francisco Bianco husu Brigadista sira atu servisu tuir knár ne’ebé maka hatúr ona tuir moto STAE nian atu servisu ho transparansia no imparsialidade.

“Informa ba Brigada sira katak, ita bót servisu tuir ita bót sira nia knár ne’ebé hatúr ona iha ita bót sira nia servisu hanesan Moto STAE servisu ho transparan imparsialidade atu núne’e labele prejudika ita bót sira iha Sentru Votasaun”. Hameno Direktur STAE 20/05/2023.

Direjente STAE Munisípiu Ainaro ne’e husu ba Ekipa Supervisaun Eleitorál CNE atu tau matan no garante Prosesu tomak durante iha Sentru Votasaun no Estasaun de Votu sira.

“Husu nafatin mós ba OSE sira katak garamte mós prosesu tomak iha Sentru Votasaun tó mai iha apuramentu Munisipal”. Nia hateten.

Ba Parte Seguransa PNTL nian Francisco Bianco husu;

“Ba parte PNTL seguransa mós husu ita bót sira atu garantia Seguransa nafatin ba prosesu tomak husi matreal Sensitivu ho non Sensitivu ne’ebé maka atu destaka ba iha Sentru Votasaun atu núne’e bele garante nafatin iha Sentru Votasaun to hikas mai iha apuramentu Munisípal. Husu mós ba Kondutores kareta sira atu halai neneik ho matreal sira ne’ebé maka ita bót sira tula ba atu núne’e matreal sira ne’e ho kondisaun diak ba tó iha Sentru Votasaun tó fila fali mai iha apuramentu Munisipal.” Husu Direktu STAE ne’e.

Ale em de ne’e nia kuntinua alerta liu tan ba Birigadista STAE sira atu priense Akta ho didiak no labele ansi atu núne’e matein Akta ne’eb’e maka priense ona labele foer no buaradu. Núne’e labele fo Prejudikasaun ba Fiskais husi Partidu Polítiku sira, inklui Observador Nasional no Internasional ne’ebeé akompaña kontajen de Votu iha prosesu apuramentu Munisípal nian.

Iha fatin hanesan Direktur Nasional Komisaun Nasional Elisaun (CNE sigla portugés) Carlos Alves Lopes kuntinua alreta liu tan katak, husu motorista sira atu halai ho neneik no kudadu tó ba iha Sentru Votasaun sira tó transporta hikas mai iha STAE Ainaro.

“Matreal sira ne’e ita bolu dehan Sensitivu la halimar, transporta matreal sira ne’e karik husu nafatin atu labele hanesan lori ema moras. Ema moras maka ita tauk keta mate iha dalan klaran karik tenki lori lalais ba iha emerjenjia para hetan lalais atedementu. Tamba ne’e hau husu nafatin kuida tó iha Sentru Votasaun tó aban vota hotu kontanjen hotu fila fali mai iha halo apuramentu Munisípal, no Sr. Koamandante ho nia membru sira sei akompaña matreal no Akta sira ne’e sei transporta to iha CNE Nasional hodi halo apuramentu Nasional”. Dehan Direktur Nasional CNE.

Carlos Alves Lopes kuntinua fundamenta liu tan katak;

“Hanesan ami nia Prezidente iha Abertura transporta matreal sira ne’e hateten katak, matreal sira iha Urna laran ne’e ita hatene katak surat tahan deit, karimbu, lapijeira ita hare hanesan buat la vale ida, maibe iha Urna laran ne’e kontein Membru Parlamentu Nasional nain 65 maka iha laran, Premeiru Ministru iha Urna Sira ne’e nia laran, Ministru Vise Ministru Sekretátiu Estadu sira iha Urna ida ne’e nia laran. Sensitivu ne’e ita so bele haré deit labaele kaer kaer ne’e so aban hahú tuku 6 loke ona ita bele haré no kaer, sira maka kaer ita sira eleitór ne’e kaer karik wainhira ita forma tama ona ba maka foin bele kaer, mais ita seidauk forma iha liña tama ba vota so sira ne’ebá maka bele kaer.” Hateten Carlos Alves Lopes Direktur Nasional CNE.

Tamba ne’e husu ba Orgaun Administrasaun Eleitorál sira atu servisu tuir lema Imparsialidade no Transparansia siknifika katak, kor iha bainhira tama iha Gabina de Votu, tamba direitu hanesan sidaun iha deireitu mós atu fó votu, no antes tama iha Gabina de Votu hanesan Ofisial Eleitorál tenki hatudu nafatin Imparsialidade no Indepedente.

Núne’e mós Administrador Munisípiu Ainaro Leovigildo Amaral Pereira iha Seremonia deslokasaun matreal Sensitivo ho la Sensitivu iha STAE ne’e nia husu ba Parte Seguransa atu labele dúvida foti dezisaun karik akontese problema ruma iha Sentru Votasaun no Estasaun de Votu sira.

“Ba Brigada sira atu mate ka moris ita bót sira akompaña nafatin kaisa ida ne’e, se lao sala maka ita bót sira tenki ba hatan. E hau husu ba Seguransa sira wainhira mosu problema ruma iha Sentru Votasaun labele dúvida atu foti dezisaun ida ne’e kompetensia ita böt sira nian karik maluk balun atu fó votus maka mosu problema ruma ita bót sira tenki asegura lalais bainhira problema ne’e atu mosu.” Hameno Autoridade másimu Munisípiu Ainaro.

Leovigildo Amaral Pereira kutinu hatutan tan katak;

“Wainhira Elisaun ne’e susesu ne’e ita hotu nia susesu, tamba ne’e ita hotu tenki halo ita idak-idak nia knár ne’e ho diak, ajuda malu fó liman ba malu oinsa ita nia Elisaun ida ne’e lao ho diak no susesu.” Haktu Administrador Munisípiu Ainaro.

Iha Seremonia Deslokasaun ne’e Komandante PNTL Munisiípiu Ainaro Suprentendente Polisia Paulino Carmo Pereira husu ba Mebru PNTL ne’ebe Kolokadu ba iha Sentru Votasaun hamutuk 90 iha Munisípiu Ainaro atu asegura nafatin matreal hirak ne’e ba to iha fatin, alem de ida ne’e asegura mós Komunidade sira ne’ebé ba eserje sira votu iha Sentru Votasaun no Estasaun de Votu sira.

“Ita PNTL ne’ebé maka akompaña matreal Sensitivu sira ne’e ba to iha Sentru Votasaun. Komesa ohin husi formatura ida ne’e ita sei akompaña husi fatin ida ne’e ba iha Sentru Votasaun 90 Estasaun Votasaun iha 155 ne’ebé maka espalha iha Suku 21 iha Munisípiu Ainaro, tamba ne’e ohin ita asegura to ba iha Sentru Votasaun se bele lalar ida mós labele belit. Asegura mós ita nia Komunidade sira ne’ebé maka ba eserje nia direitu de votu iha Sentru Votasaun ema hotu tenki livre laiha intimidasaun laiha propaganda ruma iha Sentru Votasaun ne’ebá tamba buat sira ne’e liu tia ona.” Hateten Komandante PNTL Munisípiu Ainaro.

Suprentendente Polisia Paulino Carmo Pereira fiar katak Ainaro sei la iha Problema tamba kesi metin ho Lema Ainaro nian “Roman Domin Roman Dame”

“Hau fiar katak ita bót sira ho espiritu Nasionalizmu ne’ebé maka bót hodi serbi ba rai ida ne’e no estadu ida ne’e para sasan sira ne’e ita asegura tó nia fatin ba tó iha Anunsiu rejultadu sei laiha problema, tamba Ainaro ita nafatin kaer hela lema “Roman Domin Roman Damen” e dame ba ita hotu bele halao servisu ida ne’e ho diak.” Hakotu Komandante PNTL Munisípiu Ainaro.

Entertantu Munisípiu Ainaro Kompostu husi Postu Administrativu 4, Suku 21, Aldeia 131. total Eleitóres ne’ebe maka sei Partisipa iha Elisaun Parlamentar loron 21 Fulan Maiu hamutk 46.908 (Rihun Ha’t Nolu Resin Nene Atus Sia Walu), Ho nia Centru Votasaun (CV) 90 (Sia Nolu) no Estasaun de Votu (EV) hamutuk 115 (Atus Ida Sanolu Resin Lima).

Jornalista Moises Maudoly Magno