Familia Hamutuk ho Reprezentante Veteranus Municipiu Ainaro Halot Ona Mate Isin Saudoso Jose Barreto Iha Simiterio Lobebu Suco Edi Maubisse

0
44 views

Maubisse (19/05/2023) Sexta feira ne’e Familia hamutuk ho reprejentante Konsellu Veteranos Munisípu Ainaro, halót ona mate Isin Veterano José Barreito “MAU-KUIL” Iha Aldeia Lobibu Suku Edi Postu Administrativu Maubisse Munisípiu Ainaro.

Saudosu José Barreito “MAU-KUIL” moris loron 20 fulan Juñu tinan 1955 iha Lobibu Suku Edi Maubisse, no Saudosu termina viajen moris iha Rai ida ne’e iha loron 17 fulan Maiu tinan 2023 tamba sofre moras Pulamaun, maske familia evakua ba tó iha Hospital Nasional Quido Valadares Dili maibe la konsega salva saudosu nia vida.

Iha seremonia Vúnebre halot mate isin Saudosu José Barreito “MAU-KUIL” iha Simeteriu Aldeia Lobibu Suku Edi, tuir Biografia badak ne’ebé aprejenta husi Oan husi Saudosu José Barreito, Saturnino Soares Barreito hateten, Iha tempu Golpe UDT no FRETELIN tinan 1974-1975, Saudosu hola parte hanesan Forsa Armanda ne’ebé hakarak luta fo nia didikasaun ba Indepedensia Timor Leste hafoin hetan Invasaun husi militar Indonesia iha loron 7 fulan Dezembro. No Saudosu MAU-KUIL durante tinan 3 rejisti iha Ailaran hafoin hetan Kapturasaun, no mai iha villa nafatin ho espiritu Batriotizmu Saudosu José Barreito “MAU-KUIL” nia luta liu husi Frente Kladestina to Timor Leste hetan nia Indepedensia Liu husi rejultadu Konsulta Popular loron 30 fulan Agostu tinan 1.999.

“Saudosu José Barreito Moris iha Maubisse Edi Aldeia Lobibu iha loron 20 fulan Juñu tinan 1.955, oan husi Mauduan Aman no Inan husi Daumali. Matebian involve iha FALENTIL ninian iha prosesu luta 1.974 mai tó iha 1.975 kuandu iha invasor Indonesia invade Timor, hafoin ida ne’e Matebian hamutuk ho mau alin Saudosu sira seluk no balun maka sei moris ba oras ida ne’e hanesan mós balun iha Komandante Puletaun depois sira hamutuk iha Komapañia Koli-Kili hamutuk ho Komandante Hermenegildo ho tan sira seluk hodi lori populasaun rekua ba Ailaran no kuntinua rejisti iha liña de Fogu tinan 3 iha Ailaran hafoin de kapturadu husi inimigu militár Indonesia ninian. Alem de ne’e kuandu bainhira mai iha Vila laran la lakon esperansa no espiritu luta ninian ba prosesu Ukun Rasik-An (URA), kuntinua servisu involve iha Rede Klandestina iha Kaisa Nurep Tata-Bere hanesan seksaun departementu logistika ninian, alem de ne’e hola parte hanesan mós membru CNRM bainhira transforma mai CNRT. Ho didikasaun tomak ne’ebé Matebian kontribui Matebian mós hetan direitu ba Pensaun ho nia durasaun 8,14, e Matebian mós hanesan Veteranu ida ne’ebé hakotu is iha Hospital Nasional Quido Valadares, baibhira haktu is parte familia hakat direita ba iha Konsellu Veteranus nian ho quia de obitu hosi husu apoiu Kaisaun no Karu vunerariu hanesan ema Veterano ida ne’e.” Haktuir oan husi Saudosu MAU-KUIL 19/05/2023.

Tamba ne’e husi parte familia Veterano José Barreito “MAU-KUIL” agradese ba apoiu husi parte hotu nia kontribuisaun espesialmente ba Konsselu Veteranos Nasional, Munisípiu, Postu, no Veteranos Suku Edi nian.

“Tamba ne’e duni agradese bót tebes ba Konsellu Veteranos Nasional, Munisípiu Ainaro, Postu, no mós Suku Edi ninian”. Hakotu oan Husi Aman Veterano Saudosu José Barreito “MAU-KUIL” Iha Simitériu Lobibu Suku Edi nian.

Fatin hanesan Membru Konsellu Veteranos Munisípiu Ainaro, Sebastião Castro Pereira “KAKATUA”, hanesan mós Vise Sekretária Zona iha tempu luta ba Libertasaun Nasional rekuiñese katak, Saudosu José Barreito “MAU-KUIL” hanesan ema luta nain ida ne’ebé oferese-an tomak ba luta Libertasaun Rai ida ne’e durante tinan 24 nian laran. Saudosu mós momentu ne’ebá haneaan Forsa no asumi Kargu hanesan Premeiru Kabu iha Kintu Kompaña Kuil-Kili Suku Edi Postu Administrativu Maubisse Munisípiu Ainaro.

“Hau konta itoan kronolojia ne’ebé José halo durante nia sei halo pregrinasaun iha rai ida ne’e. José ema luta nain ida nia ema ne’ebé la tauk iha nia vida tomak durante 24 anos nia oferese nia-an tomak ba luta hodi rai ne’e hetan Libertasaun. José uluk sai hanesan forsa nia asumi kargu hanesan premeitu Kabu iha Kintu Kompañia Kuil-Kili, se maka tau fatin ne’e naran Kompañia Kuli-Kili Hermenegildo rasik ho ita nia Ministru Mau-Liar maske oan barak la koiñese maibe istória ne’ebé durante ami hasoru maka ida ne’e. Ba Funu ida ne’e nia halo buat lubuk ida depois Funu hotu tia sira nafatin se hirus matan hodi halai ba tó iha Rai Alas depois sira fila mai Kintu Komapañia desarmandu tia ona ami hotu sai hanesan arma branka e hau iha Kadeia fula 3, tamba ne’e ami Kompñia ida tuir Nicolao Loubato mai mate tia iha rai Benani iha 1.978 baje de apoiu rahun 1.979 ami namkari ida-idak lao ninian ona, idak-idak mai rende e kuntinua nafatin iha 1.980 ba letan ami nain 3 e nain 4 iha rai Edi ida ne’e komesa buka malu iha Komandante ida naran Samarusa sei moris.” Kota Veterano KAKATUA.

Sebastião Castro Pereira “KAKATUA” kuntinua fundamenta liu tan;

“Ikus mai kuandu XANANA reorganija funu mai tó Ukun Rasik-An (URA) José asumi kargu hanesan Frente Kladestina hamutuk ho ami lubuk ida. Fofoun nia tama iha elementu ida naran Organizasaun ORDIR ne’e Komandante ida naran LEO-LIMA sei moris husi Ainaro, ida hahú premeiru Organizasaun maka ida ne’e tuir fali CRRN 1.985 nia asumi kargu hanesan membru Logistika nafatin, 1.986 tama ona CNRM maun XANANA rasik hateten dehan funu ita labele ona entaun iha momentu ne’ebá nia hases tia FRETELIN tau iha bolsu prega tia butaun halo metin 1.999 hodi mai intrega, e 1.986 maun XANANA moris deit ho FALENTIL hamutuk ho ami hotu ne’ebé halo Organizasaun hodi orienta funu mai tó hotu.” Hateten Membru Konsellu Veteranus Munisípiu Ainaro ne’e.

Tamba ne’e nia rekoiñese Saudosu José Barreto nia kontribuisaun ba luta libertasaun Nasional bót tebes ba rai ida ne’e, no istória hirak ne’e sai hanesan memoria ba oan sira hodi konta tutan husi Jerasaun ba Jerasaun sira tuir mai.

Tamba ne’e lori Konsellu Veteranos Munisípiu Ainaro, no Veteranos Sira hotu Postu Maubisse nian ható sentidu Kondolensia Profunda ba Familia Saudosu José Barreito “MAU-KUIL”.

“Hanesan Konsellu Veteranos, e hanesan reprejentante Veteranos Postu Maubisse, hanesan mós Veteranu ida iha Suku Edi fó ami nia sentidu Kondelnsia tomak ba José ne’ebé ohin husik hela ami mesmu ke nia ba maibe nia ba ho Nai Maromak nia tulun. Ikus liu hanesan membru Konsellu Veteranos ne’ebé túr iha Munisípiu Ainaro Sei tau matan nafatin nia oan kiak sira ne’ebé oras ne’e sei halerik.” Hakotu KAKATUA.

Entertantu Saudosu José Barreito “MAU-KUIL” fila ba Aman Maromak Nia Kadunan Santo husi Hela Oan Kiak hamutuk nain 10 kompostu husi Oan Feto 7 no Mane 3

0 0 votes
Article Rating
Subscribe
Notify of
guest
0 Comments
Inline Feedbacks
View all comments