Racom Maubisse, 15/05/2023 Ba Jornalista Racom Maubisse Prezidente Joventude Nasional Amilcar Dos Reis Araujo hateten, susesu sira nebe VIII governu atinji maka ho programa sira nebe hanesan tuir mai nee:
“Atribuisaun osan gaji tiga belas ba kada uma kain, iha fim do ano no objetivu mak hakmaan familia sira ne’ebe rendimentu kiik nune’e sira bele sosa nesesidade baziku hodi festeza simu loron boot natal, no seluk tan maka projetu uma kbiit laek plus, no ida seluk mak governo komprometidu atu suporta rai henek no semente ba uma sira nebe zinku ka kalen feruzen ona no mos ajuda kalen hodi troka kalen sira ne’ebe mak ferujin ona”.
Presidente Juventude PLP ne’e mos hatutan tan katak;
“VIII Governu nebe lidera husi ita nia Belun Boot General Taur Matan Ruak, loke mos bolus estudu ba mellhor estudante graduado, no governu mos sei fo bolsu estudu ba estudante sira nebe melhor graduadu hahu husi ensinu baziku too sekundaria e mos bele ba to’o univrsidade”.
Aleinde programa sira ne’ebe mensiona iha mos programa maun de obra ba postu administratvu (PMOPA) nudar meius fo serbisu temporariu ba komunidade sira, Kriasaun Fundu Veteran, Harii Sede arte marsial no ritual, programa eskola iha uma, internet gratis, empregu ba mellor alunu universitariu sira, estabelesimentu sekretariu ba assuntu trabalhador exterior no komunidade timor oan iha diaspora, revitalisa kafe no subsidio ba kafe laku-teen, no subsidio akomodasaun ba PNTL no F-FDTL. hateten Amilcar Dos Reis Araujo.
Tamba ne’e Amilcar promote katak se povu fo nafatin fiar ba PLP hodi lidera governasaun da sia mak sei kontinua hadia diak liu tan programa sira ne’ebe implementa ona nomos sei tau prioridade ba seitor agrikultura, saude, ekonomia, infrastruktura nomos save ne’ebe importante mak edukasaun no ida nee tenke tau prioridade liu tamba save ba dezemvolvimentu mak edukasaun.
Jornalista : Natalino Mendonca
Editor : JOaquim Coutinho
