Racom Maubisse (12/05/2023) Prezidente Partidu Demokrátiku (PD) Mariano Assanami Sabino ható Kompremisiu ne’e Iha Kampaña Aberta ho tipu Komisiu Iha Kampu Futeból Munisípiu Ainaro Sxta ne’e (12/05/2023).
Prezidente Partidu Demokrátiku Mariano Assanami Sabino hateten, wainhira PD lidera Governu ho Votu maioria maka sei kria Akademia ida ba PNTL ho F-FDTL atu estuda no kapasita-an iha ne’ebá laos deit iha area militár nian, maibe oinsa atu kapasita-an iha area Manajementu, Polítika, no teknolojia.
“Hau kolia itoan iha Rai Ainaro, kona-ba FDTL ho PNTL wainhira PD maka sai Premeiru Ministru PD maka maioria PD hakarak kria Akademia ida ba sira FDTL ho PNTL para atu estuda. Laos deit estuda tiru malu, loas deit estratejia Militár, loas deit estratejia Defeja no Seguransa Maibe, sira aprende sira estuda kona-ba bisnis manejrmen, kona-ba Polítika no teoria oi-oin, kona-ba oinsa maka utulija teknolojia. Para aban bairua sira tama ona ba 50 anos ba leten sira bele reforma bele servisu no halao fali Kompañia estatal sira ne’ebé maka ita hakarak hamosu hanesan Hotel Timor, Timor Telekom, hanesan mós Aviasaun ne’ebé ita iha Ona”. Hateten Prezidente Partidu Demokrátiku iha Ainaro 12/05/2023.
Assanami haklaken liu tankata;
“Kompañia estatal laos deit atu kompete fali iha Dili laran, laos atu kompete fali familia iha ne’e maibe ba iha esplorasaun ba iha Rai liur, entau Kompañia estatal ida ke forti ne’e tenki mai duni husi formasaun ida ne’ebé ke diak husi Militar, husi Polisia, husi Sivil sira ne’ebé professional didikasaun Nasionalismu iha para hatama osan ba Rai ida ne’e ita labele dependensia deit ba ita nia osan husi Mina Rai, husi ita nia rekursu Naturais maibe ita tenki fila liman tamba ita Nasaun Kík.” Assanami hateten.
Prezidente PD ne’e kuntinua dehan PD hakarak mudansa, atu ema hotu hetan protesaun husi Estadu tantu nia kiak no riku.
“Ita hamutuk halo mudansa, tamba mudansa maka sai alvu prinsipal ita hakarak halo Timor ida ne’ebé ita senti nain, ita senti dignu, ita senti katak maske nia karau atan maske bibiatan maibe nia hetan protesaun husi Estadu. Labele joven balu mate iha iha fali sela Polisia laiha justisa. Ita labele iha fronteira ka iha fatin ruma ne’ebé maka ita la halo ona politik ba fronteira atu dehan loke merkadu la loke, tamba deit la halo Polítika ida ne’e ema hatama sigaru, ida ne’e hetan kastigu maske ida ne’e Lei maibe ida ne’e Politik maka la lós. Tamba politik ne’e atu fasilta no atu dignifika ninia ema laos husik ninia ema komete fali illegal iha ne’ebá, tamba ne’e maka Estadu iha laos deit ba kapitalista sira Estadu iha tamba Maubere tenki servi Maubere sai dignu iha ninia rai.” Hateten Mariano Assanami Sabino
Fatin hanesan Prezidente Partidu Demokratiku Munisípiu Ainaro Comar Mendonça parante iha militantes simpates no povu Ainaro nia oin hateten, PD sei servi ema hotu ho fuan ho laran, karik PD hetan asentu iha Parlamentu Nasional no lidera Governu da sia.
“Ho fuan mos no laran mos ható ita nia programa ba ita nia eleitór sira, husu sira nia votus fó vitoria ba PD iha Munisípiu Ainaro ita sei servi sira ho fuan ho laran durante tinan 5 nia laran. Tamba ne’e husu ba imi labele ona fó fatin ba Partidu sira ne’ebé nia lideransa mai halo kampaña la ható programa maibe ható maka lia fuan insulta trata malu ida ne’e sei produs lideransa no membru Governu ida ne’ebé maka buka insultu malu tamba sira la hatene kolia programa.” Dehan Comar Mendonça Prezidente PD Munisípiu Ainaro.
Atividade Kampaña ne’e hetan Seguransa másimu husi PNTL Munisípiu observa husi observador Nasional no supervisiona husi Ekipa CNE Munisípiu Ainaro.
Entertantu Munisípiu Ainaro Kompostu husi Postu Administrativu 4, Suku 21, Aldeia 131. total Eleitóres ne’ebe maka sei Partisipa iha Elisaun Parlamentar loron 21 Fulan Maiu hamutk 46.908 (Rihun Ha’t Nolu Resin Nene Atus Sia Walu), Ho nia Centru Votasaun (CV) 90 (Sia Nolu) no Estasaun de Votu (EV) hamutuk 115 (Atus Ida Sanolu Resin Lima).
Jornalista Moises Magno
Editór Joaquim Coutinho
