Racom Maubisse (13/04/2023) Kórdenador Partidu Libertasaun Popular (PLP) Munisípiu Ainaro Julio da Conceição “Loro Mesak” ható kestaun ne’e iha aktividade Diálogo ho militante simpatizante no komunidade  Aldeia Hutsio Suku Leo-Lima Postu Administrativu Hato-Udo Munisípiu Ainaro Sabadu fim de semana ne’e.

Julio da Conceição Loro Mesak iha diálogu ne’e hateten, dadus veteranu 2009 nian la depende ba partidu ida, maibe Partidu se deit maka manan hodi noneia nia ema ba sai Sekretáriu Estadu no Ministru dadus ne’e tenki resolve.

“Koba-ba Assuntu Veteranos 2009 nian inan aman sira hateten ba ita nia ema sira iha Partidu sira seluk dehan lalikan fiar sira mai kolia ne’e. Tamba dadus Veterano 2009 la depende ba Partidu ida, Partidu se deit maka manan, Partidu se deit maka ninia ema maka ba sai Sekretáriu Estadu ka sai Ministru dadus ne’e tenki resolve. Buat hotu lós tia ona hein deit atu bolu sira ba enkontru hodi disidi, Loro Mesak se la sai ona Ministru no Sekretáriu Estadu Loro Mesak sei fila fali mai Ainaro tamba hau nia mandatu ida hanesan Prezidente Konsellu Veterano Ainaro sei 2024 maka foin hotu tamba ne’e lalika tauk no lalika fiar sira ne’ebé  maka  mai terror tun sa’e ne’e.” Dehan Loro Mesak iha Hato-Udo 13/05/2023.

Tamba ne’e Partidu Libertasaun Popular hakarak resolve problema Veteranos no tenki kosidera ema hotu nia luta no didikasaun hanesan, la here ba nia idade maibe hare ba nia Kontribuisaun ba luta Libertasaun Nasional.

“Hau hatene problema ne’e barak los iha Timor Leste laos deit iha Ainaro. Ema balu uluk baje de apoiu iha te hela ai-laran tun tia mai kuntinua buka dalan ligasaun ho FALENTIL sira. Ukun-an tia mai komu nia familia laiha, Partidu la hanesan, osan laiha entaun sai tia 0,3 sai tia 4,7 tamba ne’e Loro Mesak hakarak hadia buat sira ne’e, PLP hakarak hadia situasaun sira hanesan ne’e. Uluk ita halo funu lei laiha Ukun-an tia mai halo fali Lei hodi impede ema seluk agora Ukun-an tia o halo fali hau idade kík ne’e la vale, ne’e Loro Mesak hanesan Sekretáriu Estadu Muda Kedas Lei ne’e. Tamba ne’e kuandu hau ba asumi pasta hanesan Sekretáriu Estadu servisu premeiru ne’ebé maka hau halo maka hadia.” Hateten Kódenador PLP Munisípiu Ainaro no Aktual Sekretáriu Assuntu Veteranos.

Haré ba kestaun hirak ne’e Loro-Mesak Husu ba apoiantes Partidu Libertasaun Popular hili no Eskolla PLP hamutuk ho Jeneral Taur Matan Ruak hodi hadia problema hirak ne’e.

“Ukun-an tia ita bolu malu, hili malu hodi fó 8,14, 15,19, hodi fó 20,24 halo ema balun sai hela vitima iha rai ida ne’e iha era Ukun Rasik-an ida ne’e, labele hanesan ne’e, ita nia Jeneral Taur Matan Ruak la Konkorda ho hahalok ida hanesan ne’e etaun hamutuk ho PLP para ita hodi hadia situasaun sira hanesan ne’e. Hanoin didiak molok atu vota tamba votu ida deit sei determina ita nia Nasaun nia dezemvolvementu, votu ida deit sei determina ita ho ita nia oan sira nia future.” Hakotu Kórdenador PLP Munisípiu Ainaro Julio da C. “Loro Mesak”

Atividade Diálogu  ne’e hetan Seguransa másimu husi PNTLEsquadra Hato-Udo  observa husi observador Nasional no supervisiona husi Ekipa CNE Munisípiu Ainaro.

Entertantu Munisípiu Ainaro Kompostu husi Postu Administrativu 4, Suku 21, Aldeia 131. total Eleitóres ne’ebe maka sei Partisipa iha Elisaun Parlamentar loron 21 Fulan Maiu hamutk 46.908 (Rihun Ha’t Nolu Resin Nene Atus Sia Walu), Ho nia Centru Votasaun (CV) 90 (Sia Nolu) no Estasaun de Votu (EV) hamutuk 115 (Atus Ida Sanolu Resin Lima).

Jornalista                     Moises Magno

Editór                          Joaquim Coutinho