Racom Maubisse (03/05/2023) Rosa Olga Mendonça hateten ida ne’e hafoin simu Pose husi Vise Ministru Administrasaun Estatal Lino de Jesus Torezão, hanesan Sekretária Administrasaun Munisípiu Ainaro Foun.
“Hau núdar Sekretária Munisípiu Ainaro sujere ba entidades hotu, komunidade, ba liñas Ministériais sira hotu, atu ita hotu hamutuk haré ba Ainaro hamutuk fó liman ba malu lori Ainaro ba dezemvolvementu ne’ebé maka diak hodi fó benevisiu ba ita nia povu iha rai ida ne’e.” Hateten Rosa Olga Aktual Sekretária Administrasaun Munisípiu Ainaro.
Ema da ruak iha Administrasaun Munisípiu Ainaro ne’e fundamenta prioridade dahuluk ba Ainaro maka infrastrutura, liga liu ba estrada iha kapitál Munisípiu Ainaro, tamba kondisaun estrada iha kapital sai prokupasaun Ainaro oan sira husi tinan-tinan.
“Iha semana kotuk ami elebora ona planu estratéziku ba tinan 2023-2027, ita haré katak projetu lubuk ida iha tinan kotuk labele halo iha 2023 nafatin ami kuntinua atu bele halo iha 2024. Tamba haré ba iha orsamentu ba kapital dezemvolvementu ba Munisípiu Ainaro ba tinan ida ne’e laiha entaun projetu ne’e ami nafatin halo iha 2024 ba tó 2027. Tamba ne’e ba Ainaro nia prioridade bót maka hanesan ita hotu ajisti no haré Ainaro ne’e ninia prioridade maka estrada, estrada ne’e maka sai hanesan obstakulu bót para ema hotu mai vizita Ainaro no eventu bót balun atu selebra iha Ainaro ne’e tamba kestaun estrada, foin dadauk Kopañia sira mai sukut ona ita hein projetu ne’ebé sira elebora ona ne’e ba oin sei halo.” Hakotu Sekretária Munisípu Rosa Olga Mendonça.
Jornalista Moises Magno
Editór Joaquim Coutinho
