Rosa Olga Mendonça, Hetan Posse Husi Vise Ministru Administrasaun Estatal  Hanesan Sekretária Munisipiu Ainaro

0
11 views

Racom Maubisse (03/05/2023) Vise Ministru Administrasaun Estatal, Lino de Jesus Torezão, akompanã husi  Administrador Munisípiu Ainaro, Leovigildo Amaral Pereira, ofisialmente, fo posse ba Sekretaria Administrasaun Munisípiu  Ainaro foun, Rosa Olga Mendoça.

Seremonia tomada de Posse ne’e realija Salaun Administrasaun Munisípiu Ainaro Kuarta feira ne’e (03/05/2023)

Ba Radiu Komunidade Maubisse Mau-Loko (RKMM, Vise Mministru Administrasaun Estatal (MAE) Lino de Jasus Torezão hateten, depozita konfiansa tomak ba Sekretária Munisipiu foun atu hala’o ninia funsaun  no kompetensia sira tuir dalan no lei ne’ebé  vigora atu nune’e bele apoiu  Administrador Munisípiu hala’o kna’ar hirak ne’ebé realiza tuir politika VIII Govermu Konstitusional ninian.

“Sekretária nia la indepedente mente atu halao nia knár maibe nia dpendente ba ninia superior hirarkia, agora nia superior hirarkia maka ida ne’ebé, nia superior hirarkia maka Administrador Munisípiu no mós Prezidente Autoridade Munisípiu ne’e mensajen ida ba nia”. Dehan Vise MAE 03/05/2023.

Governante ne’e mos husu ba  Sekretaria Munisípiu foun ne’ebé Simu ona Posse,  atu iha ninia Mandatu tenki ho fuan Bo’ot hodi apoiu Administrador Munisipiu hodi hala’o  knár no funsaun sira no kumpri  Lei  nebe’e hatúr ona iha Artigu 5 Dekretu-Lei Nú.3/2016, konaba ba Prinsipiu Legalidade, Espesialidade, Serbi ba Interesse Publiku.

“Nia maka iha Sekretária atu bele halao nia knár tuir Lei Funsaun Públika ne’ebé maka iha, no mós nia uja ninia Autoridade oinsa maka bele asegura Funsionariu hot-hotu sira ne’ebé maka iha Sekretáriadu ne’e nia laran, ida ne’e maka mensajen ikus ba nia para nia halo nia knár ne’e laos indepedente maibe dependente tamba nia tenki hakrúk ba superior hirarkia”.Hameno Vise Ministru.

 Ho konfiansa katak Sekretária Munisípiu liu husi ninia konêsimentu no Esperiensia ne’ebé nia  iha, konta mos ho apoiu tomak husi funsionariu Públiku sira nian liu husi Servisu Munisipal  bele Kumpri Misaun nebe’e Simu, hodi Promove Bem Estar Povu nian no Dezenvolvimentu iha Munisipiu Ainaro.

Iha fatin hanesan sekretaria Administrasaun Munisípiu, Rosa Olga Mendonça mós akresenta katak;

“Knár ne’e hau simu laos maka foin ohin maibe hau simu tia ona iha fulan 5 liu ba ida di 30 de Novembru 2022 hau halo aprejentasaun. Tamba ne’e haré ba kotuk hau sesante tamba hau asumi ona knár ne’e fulan 5 liu ba kotuk”. Dehan Rosa Olga.

Tamba ne’e nia  kompremetidu katak hanesan Ainaro oan prontu atu ezekuta servisu saida deit bazeia ba lei Nú 3/2016 liga ba poder lokal.

“Knár ida ne’e hanesan reponsabilidade bót ida katak, hanesan Ainaro-oan prontu atu ezkuta servisu saida deit maka ita nia prezidente Autoridade ka ita nia Administrador Munisípiu delaga ba iha servisu Munisípais hotu bajeia ba Lei  Nú 3/2016 liga ba poder lokal. Ne’ebé ohin Tomada de Posse ida ne’e hau orgullu entaun hakarak ou lakohi hau tenki simu knár ne’e.” Manifesta Sekretária Administrasaun Munisípiu Ainaro hafoin Simu Posse Husi Vise Ministru Administrasaun Estatal.

Iha seremonia toma  posse  hetan  partisipasaun husi Inspetor Jeral Administrasaun Estatal (IGAE), Diretor Jeral MAE, Diretor Nasionais sira husi MAE, Administrador Postu, Komandante PNTL ho nia ekipa, Pe. Vigario Paroquia Ainaro, Diretur Munisipal, Diretur Delegasaun teritorial Munisipiu Ainaro, Xefe Suku sira, Komandante Seksaun F-FDTL, Funsionariu Munisipal  sira no familia husi Emposada.

Jornalista                     Moises Magno

Editór                          Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments