Racom Maubisse (07/05/2023) KHUNTO Promete Karik Hetan Fiar Husi Povu Sei Hadia Estrada Husi Maubisse Liga Postu Administrativu (PA)Turiscai Munisípiu Manufahi.
Kompremeisu politíku ne’e ható husi Presidente Partidu Kmanek Haburas Unidade Nasional Timor Oan (P KHUNTO) Armanda Berta do Santos, iha Mini Kampaña ho Tipu Komisiu Domigu ne’e iha Tuirscai Munisípiu Manufahi.
“Estrada Tuiscai ne’e tama ona iha planu VIII Governu nian, ita hein ba iha Nunu Governu para bele implementa, liu-liu ba estrada iha Postu Turscai nian. Hodi núne’e ita hot-hotu bele asesu ba iha merkadu, asesu ba Edukasaun, no Saude, ita hein katak Governu da sia mai sei halo diak liu tan ba ita nia povu liu-liu iha Turiscai”. Hateten Prezidente KHUNTO Armanda Berta do Santos 07/05/2023.
Alem de hadi estrada KHUNTO mos sei dezemvolve Sitiu Turíztiku sira ne’ebé ejisti iha Postu Administrativu Tuirscai, núne’e bele fó moris diak ba Povu liu husi Vizitante rai laran no rai liur ne’ebe hakat ba Vizita fatin Tuirzmu hirak ne’e.
“Fatin Istóriku sira iha ne’e sai núdar fatin ne’ebé Tuirzmu atu núne’e bele atrai ita nia ema Estanjeiru sira bele mai investe iha ita nia Nasaun”. Hatutan Armanda Berta.
Prezidente Partidu KHUNTO Armanda Berta do Santos hatutan, Partidu KHUNTO mós sei dezemvolve seitór produtuvu seluk hanesan Agrikultura hodi hasa’e produsaun rai laran, núne’e bele ajuda ekonomia familia.
Iha fatin hanesan Konselleiru Máximu Partidu Kmanek Haburas Unidade Nasional Timor Oan (KHUNTO) José do Santos Naimori Bucar promete KHUNTO sei defende nafatin Unidade Nasional no hakuak Juventude hotu tuir Moto Partidu nian maka Tane O Lisan, Tane O Emar, no Tane O Rain”. hodi lori dezemvolvementu ba Povu Timor Leste.
“KHUNTO nia luta maka hakarak ema hot-hotu sai maun alin, ema hot-hotu hakarak sai familia. Sekarik balun la gosta KHUNTO husik ba lalika vota, se karik balu maka gosta KHUNTO vota ba KHUNTO. Tamba KHUNTO maka ita bót sira nian, KHUNTO mai ho Unidade Nasional, KHUNTO mai iha ne’e, la haré ba Lorosa’e Loro Monu, la haré ba Grupu, la haré ba saida ita ida deit. Ne’e maka KHUNTO hateten, “Husar Talin La Kua Neras La Fahe, Manu Asbau Manu Rai Nain”. Dehan Lider Supremu Partidu Kmanek Haburas Unidade Nasional Timor Oan (KHUNTO) iha Postu Administrativu Turiscai Munisípiu Manufahi.
Ho ida ne’e fó hanoin fali katak, programa prioridade seluk sei implementa husi Partidu KHUNTO wainhira hetan fiar maka sei hadia seitór Saude, Edukasaun, Agrikulura, formasaun ba Foinsa’e sira, no hadia problema Infra-Estrutura Bazíka, inklui seitór produtivu sira seluk.
Entertantu aktividade Kampaña Eleitoral ba loron Sanolu Resin Sia nian ba Partidu KHUNTO iha Turiscai Munisípiu Manufahi ne’e hetan Seguransa husi PNTL no Supervisiona husi Ekipa CNE no observador Nasional.
Jornalista Moises Magno
Editór Joaquim Coutinho
