Racom Maubisse (03/05/2023) João da Conceição Pires tatoli esperansa ne’e iha nia nia Rezidensia Aldeia Rimori Suku Maubisse Villa foin dadaun ne’e. Tuir nia katak, maske lideransa sira kolia insulta malu iha Palku Polítika maibe povu kík hakarak moris ho hakmatek.
“Hau nian hanesan ne’e imi bele hadau malu bót ba urusan imi nian, penting ami povu maka tur hakmatek, han hakmatek, no hemu hakmatek hanesan ne’e. No imi bele bót ba mais hare ami nia oan ne’ebé ohin loron ba eskola ami osan laiha selu sira.” Dehan João 03/05/2023.
Nia Kuntinua salienta liu tan katak;
“Ida fali tan hau nia feton nain 2 iha momentu 82 Kablaki ninian ba tó tia Atauro fila mai mós osan ida Atauro nian ne’e mós seidauk sai. Ne’ebé imi bele hadau malu bót ba maibe tau matan mai ami povu nia susar no kiak ida ne’e, ami nia terus maka hanesan ne’e. Tó agora ami nia inan aman, maun ho alin no feton mate tia hotu ba buat ida Uku-An ne’e ami daftar hela naran balun maka hetan balu fali la hetan ami nia Matebian sira iha ka laiha maka ne’e ka, konformi Governu sira sa’e ba túr ba maka hanoin ami ka la hanoin ami mós importante ami povu maka túr hakmatek hodi ke rai maka ami han no hamu”. João Hateten.
Núne’e nia kuntinua rekomenda ba Governu foun mai atu kuntinua tau matan Sobrevivente sira nian oan. Maske ho esforsu oi-oin haruka sira ba eskola maibe la hetan servisu depois de finaliza sira nia estudu.
“Ami inan aman mate tia hotu mesak oan kiak deit, haruka fali oan ba eskola mós ami tangun labele, ne’ebé Governnu foun ne’ebé maka mai tau matan ba ami nia oan sira ne’e. Maske ami esforsu ba eskola duni mais sai mai nangur hela.” Nia Dehan.
Fatin hanesan tuir Inan Feton Lucinda da Conceição Cardosu hateten;
“Governu ne’ebé maka ba laeten tenki tau matan mai ami nia oan eskola sira. Governu foun ba leten ami nia hakarak maka asesu ba be mos, ami nia eskola fatin mós seidauk diak, tamba ami hakarak ami nia oan ne’e ba oin inan aman ami maka beik”. Hateten Inan Feton Lucinda da Conceição Iha Aldeia Rimori Suku Maubisse Villa Munisípiu Ainaro.
Jornalista Moises Magno
Editór Joaquim Coitinho
