Racom Maubisse (30/04/2023) Kultura tun be matan no ai hun hanesan tradisaun ne’ebé maka kesi metin ona ho komunidade Maubisse, tamba ne’e kada tinan Uma lisan ida-idak kompostu husi be-matan 32, uma lisa hamutuk 79 kópera malu hodi selebra no ensera aktividade kultural ne’e iha Igreja Maubisse domingu loron 30 fulan abril tinan ne’e.

Tuir responsabel Kultura Paroquia Imaculado Coração de Maria Maubisse Paulo Doutel Sarmento, hanesan mós responsabel ba Kultura be matan ai hun iha Maubisse haktuir katak;

“Objetivu lolos husi eventu kultural ne’ebé hahú horseik tó kalan mai tó ohin missa enseramentu atu dehan deit katak ida ne’e toman no uju kustumi ne’ebe tinan-tinan Paroquia Maubisse kópera hamutuk ho kultura hodi selebra buat ne’e kada tinan ida dala 3 liu husi (Maun Biuka, Leus Lulin, no Ai Hulu Ersoin). Tinan ida dala 3 ida ikus liu maka Ai Hulu Ersoin ne’e maka wainhira loron 40 kalan 40 uma kreda servisu hamutuk ho kultura sira hakmatek hodi tama ba tempu Kuaresma no hahú fó fali tempu ba kultura sira halao sira nia aktividades be matan ai hun ne’e depois de missa resorisaun kultura sira hetan opurtunidade tun ba túr iha be matan ai hun hodi halao seremonia ritual agradese ba Maromak liu husi be matan ai hun tó semana 3 hodi mai fali saran ba uma kreda hodi partisipa iha asaun de grasa hodi ensera aktividades kultural ba be matan ai hun”. Haktuir Paulo Doutel Sarmento 30/04/2023.

Tamba ne’e Responsabel Kultura tun be matan  no ai hun ne’e husu atu aktividade selebrasaun sira hanesan presija hetan mós atensaun hosi Governu, maske proposta hato bebeik ona liu husi responsabel Sekretária Estadu Arte no Kultura iha Munisípiu maibe sei dauk hetan resposta ruma.

“Governu dala barak ona uja hela kultura ida ne’e tun ba festa simu ema bo- bót sira, sira resposabilidade deit iha momentu ida kultura ne’e ba ho mai deit, maibe aktividades sira hanesan ne’e Governu seidauk lolo liman maibe ami hein katak ba oin ami buka meus ida atu hakbesik ba iha Governu. Maske ami hakbesik bebeik ona liu husi membrus Governu nian sira iha Munisípiu no postu  propsta pur proposta ami hatama dadaun ona maibe tó agora resposta seidauk iha”. Dehan Paulo.

Maske núne’e nafatin esperansa katak Governu da sia mai sei hamosu bibiatan diak ida iha Parte Sekretária Estado Arte no Kultura hodi tau matan Aktividade kulturais ne’ebé lao iha teritóriu Nasional, espesial ba Kultura Rai Klaran nian.

“Ami hein katak, tempu kampaña Polítika iha tinan ne’e nia laran ne’ebé la kleur tan ita sei hakbesik ba elisaun Parlamentár ne’ebé realija iha dia 21 de Maio ami hein katak kultura sei hamosu ou stadu sei hamosu Sekretáriu Estadu kultura ida ne’ebé sei tau matan ba globalmente ba kultura hotu hahú husi Tutuala Lospalos, ba tó iha Oecuse Lifau, e husi Atauro ba tó iha Rae Kuk Betanu. Tamba ne’e ami nafatin iha esperansa katak sei iha Fini diak no bibiatan diak sei hola parte iha ne’e hodi tau matan kultura hot-hotu liu-liu iha parte Munisípiu 3 ho Postu Administrativu sira ne’ebé ejisti iha Paroquia.” Espresa Responsabel Kultura ne’e.

Jornalista                     Moises Magno

Editór                          Joaquim Coitinho