Racom Maubisse (02/05/2023) Kestaun nee ható husi Lideransa Troika Lere Anan Timur liu husi nia aprezentasaun, bainhira halo kampanha ho tipu diálogu ho komunidade no militante sira iha Parokia Maubisse, Munisipiu Ainaro, Tersa ne’e.
“Ita kuandu lao husi fatin ida ba fatin seluk ita haré Bandeira barak la halimar mais dala ruma Bandeira FRETELIN itoan deit hau hanoin hanesan ne’e keta ita lakon karik. Depois hau hanoin fali laos Bandeira FRETELIN ema FRETELIN la kuda lemo-lemo iha fatin-fatin maibe idak-idak kuda deit iha fuan ida ne’e maka metin liu, ida ne’e maka forti liu, tamba ita kuda iha estrada sira ne’e ohin loron nakar ten barak, tan ida ne’e maka kuda Bandeira FRETELIN iha Idak-idak nia fuan”. Dehan Lere 02/05/2023.
Tenente Jeneral Reformadu Lere Anan Timur haktuir, Bandeira FRETILIN laos hanesan Bandeira seluk no laos bandeira baibain, maibe Bandeira FRETILIN Timor-oan barak sakrifika-an hodi hari Bandeira ida ne’e ho Isin, Ran no balun oras ne’e la hamutuk ona ita.
“Bandeira FRETELIN laos foin 2000 maka dada Bandeira FRETELIN deste 1.975 mai tó agora, tan deit ba Bandeira FRETELIN maka Timor-Oan barak, matenek barak Feto Mane ohin loron la hamutuk ona ho ita sira harí Bandeira ida ne’e ho sira nia Ran rasik ho sira nia Isin rasik tamba ne’e Bandeira FRETELIN sei la lakon sei la monu sei ba oin.” Dehan Lideransa Troika Partidu Frenti Revolusionariu Timor Leste Indepedente (FRETELIN).
Lere mos husu ba iha inan aman sira neebe partisipa iha diálogu nee atu mantein prinsipiu, tanba FRETILIN agora hamutuk ho povu, no FRETELIN maka Uma Lisan ba Povu Timor Leste.
Lideransa Trioka no Segundu jerasaun ne’e kuntinua afirma husu atu labele nega istória no inventa istória FRETELIN nian.
“Ne’ebé ita dehan katak ne’e partidu Istóriku ema labele nega, ema labele mai inventa Istória. Se ita dehan Partidu Istóriku Lider mós Istóriku. Ne’ebé tamba Lider Istóriku iha maka Partidu Istóriku iha. Povu laiha FRETELIN mós laiha, tamba FRETELIN maka povu povu maka FRETELIN, FRETELIN maka Uma Lisan ba Povu Timor-Leste”.Haktuir Lere.
Iha diálogu ne’e Adjuntu Sekretáriu Jeral Partidu Frenti Revolusionariu Timor Leste Indepedente (FRETELIN). Antonino Bainco Aprejenta mós Programa Prioridade ne’ebe sei implementa ba Povu wainhira FRETELIN hetan Vitória iha Elisaun Parlamentár loron 21 fulan Maiu 2023.Maka hanesan Uma Naroman ba Povu, Hadia Estrada Rural ba hodi fasilita Povu asesu ho lais ba mekadu, inklui prioridade seluk iha area Edukasaun, Saude, no agrikultura. Liu husi programa prioridade hirak ne’e maka FRETILIN sei hamutuk ho povu, luta hamutuk ho povu hahu husi suku mak ba nasional, hodi hatene klean preokupasaun saida mak povu hasoru, núne’e ukun bele hadia no lori naroman ba povu.
Tamba ne’e ba militante simpatijante no povu Maubisse, Adjuntu Sekretáriu Jeral Partidu Frenti Revolusionariu Timor Leste Indepedente (FRETELIN). Husu;
“Husu habelar informasaun ne’e ba sira ne’ebé maka la mai iha ne’e. Katak vota ba FRETELIN vota ba programa 14, ne’e maka FRETELIN dehan lori Naroman ba povu ho programa 14 ne’e. Ne’e liga ba nesasidade povu nian iha teritoriu tomak atu konkorda ho programa ne’e vota ba FRETELIN tamba ne’e Maubisse atu manan ne’e husi ohin ba tenki servisu”. Apela Antonino Bianco.
Aktividade kampaña eleitoral ho tipu diálogu ne’e iha Maubisse partisipa másimu husi militante no simpatizante, hetan seguransa husi Polisia Nasional Timor Leste Esquadra Maubisse, no observa direita husi Komisaun Nasional Elisaun (CNE sigla portugés) no Provedoria Direitu Humanus no Justisa (PDHJ)
Jornalista Moises Magno
Editór Joaquim Coutinho
