Racom Maubisse (23/04/2023) Dom Virgilio Cardeal do Crmo da Silva SDB, hateten ida ne’e ba Jornalista RKMM hafoin Vizita Oras balun iha Rezidensia Pe. Pároko Maubisse Domingu ne’e.

Lider Ingreja Katólika Timor Leste ne’e hateten, Nasaun nia diak depende ba iha ema ida-idak hodi determina futuru no dezemvolvementu Timor nian.

“Liu-liu ba Joven sira ita buka atu partisipa iha Kampaña sira hodi rona ka hatene kona-ba ita nia direitu no dever sira. Tamba agora Nasaun ne’e nia diak ne’e depende mós ba ita idak-idak, se maka sei hili ida ne’e maka sei determina futuru Timor ninian, no lori dezemvolvementu ba Timor, ita Reja atu bele ambiente lao diak Paz dame ita Reja atu ema hotu hakas-an duni atu kolabora halo Elisaun ne’e sai duni Festa Demokrásia ba Timor.” Dehan Cardéal iha Maubisse 23/04/2023.

Espesialmente ba Sarani Maubisse Dom Virgilio Cardéal  do Carmo da Silva husu atu ezerse ida-idak nia leberedade ho diak iha Elisaun Paralamentar 2023 no evita lia fuan amesa no hatun malun, hahu husi Kampaña Eleitoral to iha Loron 21 Fulan Maio 2023.

“Ita foin dadauk Amu Bispu sira hasai tia ona karta Pastoral ne’ebé konvida sarani hotu, espesialmente ba Maubisse atu ita idak-idak ezerse ita nia liberdade. Hanaran Festa Demokrasia ne’e katak ema haksolok, kontenti, labele iha tauk, labele hamoe malu, buat sira ne’e hotu e labele ameasa malu mós ne’e katak atu festa ne’e lao diak nia baje maka saida, respeita malu hahú husi Kampaña ba tó iha dia 21 ne’e.”  Haklaken Premeiru Cardéal Timor Leste.

Tamba ne’e atu tane as liu Timor nia naran iha Mundu Presija ema hotu nia kolaborasaun diak ba malun hodi hametin Paz no Estabilidade durante Kampaña Eleitoral no Elisaun ne’ebé se monu iha Loron 21 Fulan Maiu Tinan ne’e.

Jornalista                     Moises da Silva Magno

Editór                          Joaquim de Fátima Coutinho