Racom maubisse 24/02/2023 komandante operasional autoridade protesaun munisipiu ainaro afonso da silva hatete distribuisaun nee bazeia ba vitima sira nebe mak hetan dezastre iha fulan  kotuk liu ba

Ba jornalista racom maubisse Administrador Municipiu Ainaro Leovigildo Pereira  hateten katak;

“Ohin halao atividade distribuisaun aihan emerjensia ba vitima familia uma kain 72 iha suku sia ne’ebe hamahan an iha Postu Administrative Maubisse Munisipiu Ainaro no Sasan emerjensia nee atu fo apoiu ba ita nia familia sira nebe augenta sira nia han loron ida ka rua nomos material kontrusaun ba uma, atu nunee sira bele hadia fali sira nia uma nebe maka anin sobu iha fulan hira liu ba kotuk”

Tamba ne’e Administrador ne’e husu ba sira nebe reklamadu atu rekolla dadus ba xefi aldeia ou xefi suku sira haruka ba munisipiu ami aponta sei hetan sira nia direitu  iha segundu volta mai

Iha fatin hanesan xefi departamentu dezastre naturais apoiu emerjensia Municipiu Ainaro Albertino de Araujo hatutan tan katak;

“Atividade ohin nee distribuisaun material apoiu emerjensia ba vitima dezastre naturais iha fulan hirak liu ba nebe kompostu husi aihan no mos laos aihan, ohin nee ami eguipa ida husi Munisipiu Ainaro kompostu  husi jestaun administrasaun munisipiu ainaro nian husi diresaun serbisu apoiu emerjensia parseiru ho cvtl, autoridade protesaun sivil, ami lobuk ida mai iha ne’e ho Administrador Munisipiu Ainaro hodi distribui materiais apoiu emerjensia ba komunidade Postu Maubisse”

Total apoiu ne’ebe mak husi parte autoridade municipiu Ainaro ofrece ba komunidade afetadu ba desastre naturais, iha posto administrative maubisse hamutuk uma kain hitu nulu resin rua.

Jornalsita      :Natalino Mendonca

Editor           : Joaquim De Fatima