Tamba Distansia Dok, Komunidade Bolmeta Ainaro Husu Ministerio da Educação Loke Escola Pre-Escolar no EBF iha Bolmeta

0
53 views

Racom Maubisse 02/02/2023, Komunidade Bolmeta Munisipio Ainaro husu ba Ministeru Educação Juventude e Desporto atu loke eskoal pre-primaria no primari hosi primeru ano to terseru ano iha sira nia hela fatin tamba durante ne’e sira nia oan sira atu asesu ba edukasaun tenke lau kuaje kilo tolu resi hodi asesu ba eskola.

Ba Radio Komunidade Maubisse Mauloko, habitante Agustino de Araujo iha nia residencia Bolmeta informa katak;

“Perkupasaun nebe durante ne’e ami infrenta mak futuru oan sira nian wain hira atu asesu ba eskola iha pre-primari no primaria tenke lao ain kuaje kilo tolu resin hodi bele asesu ba edukasaun”.

Augustinho de Araujo haktuir liu tan katak;

“Durante ne’e ami nia oan ho idade tinan nen ba leten wain hira atu asesu ba eskola tenke dader san tuku nen hahu ona lao husi estrada foun bolmeta  ba eskola iha Builiku Jakarta II, Suku Ainaro no balun tenke lao ba asesu eskola iha Suku Soro Munisipio Ainaro ho distansia kilo tolu resin”.

Ligadu ona ho perkupasaun nebe sira nia oan sira infrenta nia parte husu ba guvernu no Ministeru Edukasaun atu hari netik ekola sanak ruma iha sira nia hela fatin no sira nia parte kompromete sei ofrese rai ho voluntariamente hodi kostrui eskola ba sira nia oan sira nia futuru.

Entertantu habitante nemos hatutan tan katak dadaun ne’e ligadu ona ho eskola ne’ebe do’ok sira nia oan sira barak mak lakontinua eskola tamba ho ida nebe ki’ik labele lao ain hodi asesu ba eskola iha Builiku Jakarta II Suku Ainaro, Suku Soro inklui labele asesu ba eskola iha Suku Suru Kraik Munisipio Ainaro.

Jornalista         : Imaculada Mendonca

Editor              : Joaquim Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments