Racom Maubisse (04/1/2023) Administrador Postu Administrativu Maubisse Munisípiu Ainaro, Akompaña husi Kórdenador Programa Kafé Husi Agensia Internasional PARCIC, Jestor Radiu Komunidade Maubisse Mau-Loko, Autoridade Komunitaria, no Komunidade Aldeia Goulolo Suku Aituto Inaugura Estrada  Kilo 1 resin iha Aldea Goulolo Suku Aututo Maubisse.

Orsamentu ba Konstrusaun Estrada Rural refere PARCIC hetan Apoiu Orsamentu Husi Agensia Internasional MITHUBISHI husi  Nsasaun Japaun.

Hafoin de halo Inaugurasaun ba Estrada refere liu husi Intervista ho Jornalista Radiu Komunidade Maubisse Mau-Loko Administrador Postu Maubisse Calaudino Mendonça katak;

“Estrada ida ohin Inaugur dadauk ne’e Apoiu husi Komapaña Internasional MITHUBISHI  Husi Governu Japaun  liu husi PARCIC apoiu Komunidade sira ba Konstroi estrada ida ne’e, nia realidade maka hanesan ita haré dadak ne’e. Maibe husu Governu atu bele apoiu liu tan ita nia Komunidade sira, tamba sira rasik prontu para servisu ne’ebé husu ba Governu Sentral liu husi  Ministériu Obras Públika apoi liu tan hanesan Matreal, Orsamentu, no Ai-han   ruma para Komunidade sira servisu hadia sira nia estrada ida ne’e diak liu tan atu núne’e sira bele lori sira nia Produtu lokal asesu ba merkadu” Dehan Xefe do Postu Maubisse Hafoin Inaugura Estrada Ne’ebé maka Konstroi Husi Komunidade Sira, no Apoi tékniku husi Ekipa PARCIC Maubisse 04/1/2023.

Fatin hanesan tuir Xefe Aldeia Goulolo Suku Aututo Maubisse Januario da Conçeicão Lopes, nia parte senti Orgullu tebes ho apoiu ida ne’e. Tuir Autoridade Komunitariu ne’e katak durante tinan barak Komunidade Aldeia Goulolo la hatan apoiu hanesan ne’e maibe liu husi PARCIC nia tulun ohin loron fó ksolok no kontenti ba Komunidade sira.

“Ohin Inaugurasaun ba dalan ida ne’e hau senti kontenti tebes tamba husi Agensia PARCIC bele halo ami nia dalan ida ne’e. Tamba ami durante tinan barak ona ami la asesu ba iha programa sria hanesan ne’e, maibe ho PARCIC nia Apoiu no tulun ohin loron hau nia Komunidade mós kontenti hodi asesu ba estrada ida ne’e” Espresa Sentimentu Kontenti Husi Xefe Aldeia Goulolo Suku Aituto Januario da C. Lopes ba Liu husi Intervista ho Jornalista Radiu Komunidade Maubisse Mau-Loko.

Tamba ne’e Autoridade Aldeia Goulolo ne’e kuntinu husu;

“Hau hakarak rekomenda nafatin ba PARCIC atu bele apoiu nafatin ami nia Komunidade sira iha ne’e, katak apoiu nafatin ami ba estrada ne’e ba tó iha Mota laran ne’ebá, liga husi Aldeia ida ne’e ba hau nia kolega sira husi Suku Edi nian. Tamba ne’e iha tinan foun mai bele kuntinua nafatin halo ami nia dalan ne’e” Hatutan Xefe Aldea Goulolo Suku Aituto.

Biban ida ne’e mós Kódenador ba Programa Kafé nian Husi Agensia PARCIC iha Maubisse Nelson José ba Komunidade Aldeia Goulolo Suku Aituto Maubisse hateten;

“Agora ita bót sira nia estrada diak ona uja ba ne’e ita bót sira nian. Konta História ba iha Jerasaun foun sira tuir mai atu nafatin kuntinua ita bót sira obra labele husik obra ida ne’e kuntinua nafatin. Uluk imi sae Kuda karik agora  imi sae tia fali ona besi, Uluk imi ho Kuda maibe agora imi ho Besi, la kleur tan balun ho kuda ida roda 4 ne’e bele mai tó iha ne’e. Durante tinan 20 roda 4 la mai maibe iha tinan 2022 ne’e roda 4 tama ona mai” Hateten Nelson ba Komunidade Aldeia Goulolo Liu husi Sururmruk ne’ebé maka halao hamutuk ho Komunidade no Autoridade Lokal Postu Maubisse hafoin Inaugura  Estrada ho naruk Kilo 1 resin ne’e iha Aldeia Goulolo.

Responsabel Kafe Husi Organizasaun Internasional PARCIC ne’e kuntinua husu liu tan ba Komunidade sira katak;

“Ida ne’e maka ita bót sira nia obra PARCIC hanesan Parseiru dezemvolvementu nafatin Apoiu ba ita bót sira, kópera halo diak atu 2023 iha programa barak maka sei mosu mai, ita nia Doador Internasional sira sei suporta nafatin laos estrada deit, iha Kafe, iha Viveiru,  tamba mehi ita servisu hamutuk maka buat hirak ne’e mai ema ida deit sei labele” Tenik   Kódenador ba Programa Kafé nian Husi Agensia PARCIC iha Maubisse Nelson José ba Komunidade Aldeia Goulolo Suku Aituto.

Entertantu Iha Aldeia Goulolo Suku Aituto Total Uma Kain  hamutuk 86, no Produtu ne’ebe fó benefisiu ba sira wainhira fán iha Merkadu hodi hetan osan ba Sustenta moris iha Familia maka Kafé no Koto, inklui ho produtu lokal sira seluk tan.

Jornalista                     Moises da Silva Magno

Editór                          Joaquim de Fátima Coutinho