Uma Kain 86 Iha Aldeia Goulolo Suku Aituto Maubisse Sei Nakukun Ba Romam Eletrisidade Iha Tempu Kalan

0
24 views

Racom Maubisse (04/1/2023) Ba Radiu Komunidade Maubisse Mau-Loko Xefe Aldeia Goulolo Suku Aututo Postu Administrativu Maubisse Munisípiu Ainaro Januario da Conçeicão Lopes hateten, Ukun Rasik-an Povu nia hakarak maka asesu ba dezemvolvementu hanesan asesu ba Estrada, Eletrisidade, Be Mos,  Saude, no Edukasaun, maibe tó ohin Komunidade husi Aldeia Goulolo seidauk senti dezemvolvementu hanesan mesiona dadauk ne’e.

“Ami senti tristi itoan, Tamba saida Ukun Rasik-an ida ne’e Povu ida ne’e nia menikmati maka saida? Menikmati maka estrada, Eletrisidade, Be Mos buat 3 ne’e. Maibe Ukun Rasik-an ida ne’e ema ne’ebe aseu asesu duni maibe ami tinan 20 ona tó agora ami nunka mais atu asesu ba buat hirak ne’e” Hateten Xefe Aldeia Goulolo Suku Aututo Maubisse 04/1/2023.

Núne’e nia kuntinua hatutan liu tan katak;

“Hau nia Mandatu Xefe Aldeia nian atu remta ona iha 2023 mais Eletrisidade mós seidauk tama mai iha hau nia Aldeia ida ne’e. Foin lalais iha fulan Outubro 2022 iha Kompañia balun mai Survei tia ona kona-ba atu dada liña Eletrisidade iha ne’e maibe tó agora nia realidade ne’e laiha. Depois de ida ne’e hau telfoni  ba Direktur Nasional mais husu kona-ba ida ne’e mais Direktur Nasional hatan katak ita bót husu tok maka sira momentu ba halo survei ne’e” Tenik Xefe Aldeia ne’e ba Jornalista Radiu Komunidade Maubisse Mau-Loko iha nia Rezidensia Aldeia Goulolo Suku Aututo Postu Administrativu Maubisse Munisípiu Ainaro.

Jornalista                     Moises da Silva Magno

Editór                          Joaquim de Fátima Coutinho

0 0 votes
Article Rating
Subscribe
Notify of
guest
0 Comments
Inline Feedbacks
View all comments