Racom Maubisse (14/12/2020) Kuarta feira ne’e Direktur SASCAS Husi Gabinete Premeiru Ministru reprejenta husi Tékniku Espesialidade Monitorizasaun no Availlasaun SAACAS José da Silva, hamutuk Direktur Fundasaun MAHARU Maubisse Bonifacio Sereno Ramalho, halao lansamentu distirbuisaun Fini Fahi Makau Inan 6 no Aman 2 ba Grupu Komunidade Aldeia Hato-Luli Suku Maubisse Villa, no Aldeia Rita Suku Maulau Postu Administrativu Maubisse Munisípiu Ainaro.
Ba Radiu Komunidade Maubisse Direktur Fundasaun MAHARU Bonifacio Sereno Ramalaho hateten, MAHARU hetan Apoiu Fundus Husi Gabinete Premeiru Ministru Liu Husi SASCAS ho Montante Osan $ 8.000 (Rihun Walu) hodi Sosa Fini Fahi Makau Hamutuk 8 hodi oferese ba Komunidade sira hakiak, inklui konstrusaun ba fahi luhan tuir sistema modernu nian.
“Atividade ne’ebé maka ita halo iha Suku Maubisse Aldeia Hato-Luli, no Suku Maulau Aldeia Rita ita hetan fundus ne’e husi Gabinete Premeiru Ministru husi SASCAS. Ne’ebé Fundus ne’e wainhira ita hakrek propsrta ba Iha SASCAS aprova Orsamentu $ 8.000, fofoun ita atu ba grupu 4 sukat nia volume Orsamentu ne’e la tó entaun ita redus ba Grupu 2. grupu 2 ne’e kompostu husi familia Uma Kain 20, husi Rita 20 husi mós Hato-Luli 20” Hateten Direktur MAHARU liu husi intervista 14/12/2022.
Jerente MAHARU ne’e Kuntinua husu ba Grupu Komunidade ne’ebé benefisia ba apoiu ida ne’e, atu kuidadu didiak Fahi ne’ebé maka oferese ona ne’e liu-liu hahan sira tamba komparasaun fahi Rasa la hanesan ho Fahi Lokal.
“Kuidadu liu-liu maka ho Fahi nia hahan tamba Fahi Rasa ne’e fasil para atu hetan moras ne’ebé tenki kuidadu liu maka nán sira ne’ebé maka ema fán iha Merkadu ou ema halo lia ruma maka sira lori mai hán tenki kuidadu liu para labele fó hán fali hahán restu ne’e ba Fahi. Tamba ita la hatene katak fahi sira ne’e dala ruma balu bele moras kuandu ema lori mai fán iha Merkadu, iha lia mós Fahi ruma bele moras ida ne’e daet lalais fahi Rasa ne’e nia moras maka ida ne’e ne’e ita tenki halo prevensaun” Hateten Bonifacio Sereno Ramalho iha Hato-luli Suku Maubisse Villa 14/12/2022.
Antes atu halao lansamentu no husik fahi ba Luhan ne’ebé maka preparadu ona. Liu husi Surumutuk ne’ebé maka Ekipa SASCAS, MAHARU halao ho responsabel Grupu Hato-Luli no Rita, reprejentante Direktur SASCAS José da Silva husu;
“Fahi Makau nia moras ne’e peregu itoan, kuidadu la halimar wainhira sosa Nán Fahi husi Merkadu ou Loja tamba Nán fahi ninia imortasaun sira tama nia prosesu ne’e dala ruma balun ne’ebé mate ninia kontaminasaun ne’e bele kona fila fali wainhira ita hán tia ninia restu sira ita fó ba bele mate” Hateten Tékniku Espesialidade Monitorizasaun no Availlasaun SAACAS José da Silva, wainhira Reprejenta Direktur SASCAS Husi Gabinete Premeiru Ministru halao lansamentu ba Distribuisaun Fahi no husik ba Luhan iha Aldeia Hato-Luli Suku Maubisse Villa 14/12/2022.
José da Silva hatutan tan katak husi parte SASCAS nian sei kuntinua akompaña nafatin prosesu ida ne’e tó remata.
“Depois de Projetu remata iha tinan oin ami sei mai haré akompaña prosesu ne’e mais importante liu haré ba produsaun ba tinan ida maisoumenus nia produs hira, oinsa maka ita bót sira bele kópera ho Saude Animal sira, Dotor Animal sira bele haré tók ida ne’e” Dehan Reprejentante Direktur SASCAS ne’e ba Grupu Komunidade Hakiak Fahi Makau husi Aldeia Rita no Aldeia Hato-Luli iha Rezidensia Xefe Aldeia Hato-Luli António Xavier do Rego 14/12/2022.
Jornalista Moises da Silva Magno
Editór Joaquim de Fátima Coutinho
