Xefe Aldeia Hato-Luli Suku Maubisse Agradese Ba SASCAS ho MAHARU Oferese Fahi Makau Ba Komunidade Sira Hakiak

2
95 views

Racom Maubisse (14/12/2022)“Agradese tebes ba Apoiu ne’ebe maka fó mai husi SASCAS liu husi MAHARU, ne’ebé tuir hau ida ne’e diak tebes fó benefisiu diak ba komunidade Aldeia Hato-Luli no Aldeia Rita Suku Maulau. Tamba ne’e Povu Aldeia Rita no Aldeia Hato-Luli kontenti tebes simu fahi ne’ebé oferese husi MAHARU no SASCAS tuir hau hanesan Autoridade Komunitaria ida ne’e diak tebes, tamba ne’e nafatin ami husu ba MAHARU no SASCAS sei iha hela Aldeia lubuk ida maka seidauk hetan se bele fó nafatin dalan ba sira no hanoin ba sira atu núne’e sira mós bele hetan mós hanesan Aldeia Hatu-Luli no Aldeia Rita” Dehan Xefe Aldeia Hato-Luli António Xavier do Rego iha nia Rezidente Hato-Luli Suku Maubisse Villa 14/12/2022.

Aumesmu tempu hanesan mós Xefe Grupu ba Hakiak Fahi Makau Aldeia Hato-Luli nian, nia kompremetidu katak sei kuntinua tau matan no Kuidadu Fahi ne’ebe oferese dadaun hanesan kuidadu oan sira, tamba komparasaun Fahi Makau ho Fahi Lokal la hanesan.

“Hanesan Xefe do Grupu hau nafatin fó orientasaun ba hau nia mebrus sira tamba ami iha ona regulamentu no orariu katak kada loron iha ema nain 2 maka kuida fahi ne’e,  dader fó haris tia pois maka fo hán, meidia fó haris tia maka foin fó hán, Lorokraik mós halo hanesan ne’e, atu núne’e bele mantein nafatin Fahi nia saude diak. Tamba ne’e ami grupu ami kuidadu Fahi ne’e hanesan mós ami kuidadu ami nia oan sira” Hateten Xefe do Grupu Hakiak Fahi Makau Aktual Xefe Aldeia Hato-Luli António Xavier do Rego 14/12/2022.

Fatin hanesan Direktur Fundasaun MAHARU Bonifacio Sereno Ramalho hateten, halao Distribuisaun ba Fahi Hirak ne’e antes ne’e halao ona formasaun ba Mebru Grupu sira, kona-ba oinsa atu hakiak Fahi Makau hirak ne’e.

“Antes de ida ne’e ita halo ona formasaun, formasaun ne’e ita la lao mesak konvida mós pesoal husi Veternariu ne’ebé existi iha Postu Administrativu Maubisse, esplika kona-ba oinsa atu halo prevensaun wainhira kuandu Fahi ne’e moras no Fahi han oinsa. Depois ita  hamutuk mós ho grupu rua ne’e ita kria mós regras lubuk ida katak fini ne’ebé maka ita fó ne’e dala ida deit, hanesan iha Rita ita fó Fahi inan 3 Aman ida  ita fó iha Hato-Luli mós Fahi Inan 3 Aman 1. No Konstrusaun ba nia luhan ne’e ita hada ho Blok Fahe tuir Kuartu-Kuartu no Luhan ne’e tenki fase, oinsa ati fase ne’e ita halo mós regras katak grupu sira ne’e tenki halo rotariva” Dehan Direktur Fundasaun MAHARU 14/12/2022

Aktividade ida ne’e realija Tamba MAHARU Hetan Apoiu Fundus Osan ho Montante $ 8.000 husi Gabinete Premeiru Ministru Liu husi SASCAS ba Implementasaun Programa ida ne’e Ba Suku 2 no Aldeia iha iha Postu Administrativu Maubisse, Maka hanesan Suku Maubisse Villa iha Aldeia Hato-Luli, no Suku Maulau iha Aldeia Rita.

Jornalista                     Moises da Silva Magno

Editór                          Joaquim de Fátima Coutinho

0 0 votes
Article Rating
Subscribe
Notify of
guest
2 Comments
Oldest
Newest Most Voted
Inline Feedbacks
View all comments
zelma
1 year ago

Waiting patiently for you to come home and fuck me! https://bit.ly/3UKFVxa

zelma
1 year ago

Waiting patiently for you to come home and fuck me! https://bit.ly/3UKFVxa