Racom Maubisse, 23/11/2022, Prespectiva konaba edukasaun iha Timor Leste aberta ba ema hotu husi classe economia minimu no maximu acessu normalmente ka seidauk ou seja sei iha classe de poder, social , kultur, rasa religiaun, no hare ba realidade ohin loron nian ita nia sociedade  no estado Timor Leste  pratica ona politika de inclusaun ka simu malu ona nudar maun ho alin liga ho valor kultural nia inluensia ba iha rekonsiliasaun pessoal, familiar, komunidade no estado Timor Leste, Relasiona ho situasaun ida ne’e ba radio komunidade maubisse mauloko Peskizador lao Hamutuk Mariano Ferreira haktuir;

“Ha’u nia obeservasaun bainhira governu ne’e forma iha primeiro governu, sira estabele sistema edukasaun iha Timor Leste no sira seluk tan, agora ita haree sistema edukasaun iha Timor Leste klaru katak iha primeiru governu sira deside kedas katak eskola hahu husi nivel baziku too nivel sekundariu, eskola gratuita husi cidade to’o municipiu, hot-hotu hanesan ida ne’e hatudu katak Timor Leste iha avansu liu, hanoin pensamentu ka konseitu oinsa atu eduka nia povu komunidade no sosiedade”.

Hare ba realidade ohin loron nian liga ho konseitu edukasaun iha Timor leste lao diak ka lae, Mariano Ferreira haktuir liu tan katak;

“Sistema edukasaun iha Timor lao diak, Maibe prosesu iha nia lalaok iha eskola laos estadu deit mak sei jere sistema edukasaun atu simu ema oi-oin iha eskola, maibe iha setor privadu inklui igreija katolika rasik mos estabelese sistema edukasaun hanesan, iha sistema ida ne’e maka ita haree katak diferente ho lei ne’ebe maka primeiru governu halo, katak eskola hot-hotu husi ensinu baziku too sekundariu tenki gratuita, maibe iha escolar privadu sira la gratuita ida ne’e mak tuir lolos estado no governu tenke hare ida ne’e”.

Valor kultura ni influensia ba iha rekonsiliasaun pessoal, familiar, komunidade no estado Timor Leste mak seidauk iha balansu ka seidau seriu ho nune’e mak situasaun edukasaun iha rai laran lao neneik liu no laiha mudansa sgnifikante, na realidade eskola nebe forma husi igreija katolika ho ema privadu balu ho selu entaun  hatudu katak governu halo ka termina lei katak eskola hotu gratuita husi nivel baziku too sekundariu, tanto privadu ka kompania  ka ireija tenki kria kondisaun fornese eskola gratuita, mais ita hare katak iha diferensia katak ita ba eskola iha publiku gratuita maibe ita ba eskola iha privadu sira la gratuita tenki selu, ida ne’e mak sai problema ne’e.

Jornalista             Natalino Mendonca Editor                    Joaquim Coutinho