Racom Maubisse (19/11/2022) Vise Prezidente Asosiasaun Veteranos Munisípiu Ainaro, no mós Membru Konsellu Veteranos Munisípiu Ainaro Sebastião Castro Pereita “KAKATUA” hateten ida ne’e ba Jornalista Radiu Komunidade Maubisse Mau-Loko iha nia rezidensia Aldeia Talifelu Suku Edi Postu Administrativu Maubisse Munisípiu Ainaro.
Liu husi intervista Vise Sekretariu Zona Postu Maubisse ne’e katak, Funu ba Liberta rai ida ne’e ema hotu nia Kontribuisaun laos ema ida ou rua deit, hodi hateten ema ne’ebe mai terus iha Villa Mate dala rua ema ne’ebe terus iha Ai-Laran Mate dala ida deit, tamba ne’e nia husu ba Joven sira atu hanoin idak-idak nia vida no prepara-an hodi kaer metin nafatin rai ida ne’e iha tempu sira tuir mai.
“Funu ne’e ita hot-hotu terus dala barak ita dehan ema rezintensia maka terus ita ida iha Villa la terus, dala barak ema dehan ema 24 anos maka halo funu ita ne’ebé toba hela iha villa la halo funu, dala barak mós ita ne’ebé hanesan Rezistensia Frente Klandestina durante tinan naruk mós ita fo ita nia-an ba mate. Hau so iha liafuan ida deit, ema ne’ebé terus iha villa mate dala rua, ema ne’ebé terus iha Ai-Laran mate dala ida deit, ida ne’ebé iha Ai-Laran mate dala ida deit tamba nia hasoru Bapa tiru nia mate liu, mais ami ne’ebé servisu iha villa ami hasoru Ai-Laran tiru hasoru Bapa tiru. Tamba ida ne’e hanesan ema Veterano ida iha Postu Maubisse atu ható ba Juventude sira hotu iha Postu Maubisse ida ne’e , liu-liu ba organizasaun sira ne’ebe ohin loron ne’e moris, husu ita bót sira hanoin imi nia vida prepara imi nia-an prepara mós imi nia rekursu karik, balun eskola maka bós liu ona prepara imi nia-an ba para timor ne’e presija imi. Husu ita bót sira labele pengaruh demais ho grupu sira oi-oin ne’ebe halo instabilidade ba ita nia rain liu-liu Postu Maubisse, Postu Maubisse ne’e presija ema atu lori, hanesan ami ne’e idade lao dadauk ona ami ne’e so ibun deit ami nia esperensi lubuk ne’ebe ami ható maka oan sira ne’e prepara imi nia-an, imi nia vida, eskil balun hodi kaer Timor ida ne’e liu-liu Postu Maubisse” Dehan Vetraanu KAKATUA Liu husi intervista ho Jornalista RKMM iha nia Rezidensia Aldeia Talifelu Suku Edi 19/11/2022.
Ba Grupu Antes Marsiais sira ne’ebe maka Sirkula iha Postu Administrativu Maubisse Responsabel Veteranus iha Postu Maubisse ne’e Hameno liu tan katak;
“Dala ida tan hau hameno ba Joven sira, liu-liu Artes Marsiais sira ne’ebe sirkula iha Postu Maubisse husu ita bót sira hakamatek iha ita bót sira nia fatin tamba Lei ida Orgániku kona-ba Artes Marsiais nian mós sai ona. Ne’ebe se maka iha rekursu itoan haré Livru lé halimar dala ruma se ulu fatuk moras atu tuku malu diak liu ba tuku malu tia ho tós, riba malu tia ho natar ho tan buat seluk tan” Dehan Veteranu KAKATUA 19/11/2022.
Nia Kuntinua Apela liu tan katak;
“Labele hanoin deit iha ulun buat ida odio no vingansa, kria deit grupu para sadik malu, baku malu iha estrada laran ne’e laos hanesan Juventude Asuain, ema dehan ita Juventude Asuain ne’e tamba ita manán iha 1.999” Hameno Sebastião Castro Pereira “KAKATUA” 19/11/2022.
