Racom Maubisse (23/11/2022) Ministériu Turizmu, Komersiu no Industria (MTCI) servisu hamutuk ho Programa Nasoens Unidas ba Dezenvolvimento iha Timor-Leste (PNUD), KOICA no IADE realiza Forum Foinsa’e empresarial ho tema “Kriasaun Empregu no Reforsa Diversifikasaun Ekonómia husi Baze”.
Forum foinsa’e empresarial ne’e loke husi Vise-Ministru Komérsiu no Indústria Domingos Lopes Antunes no Reprezentante PNUD no reprejentante Administrador Ainaro Beni Manuel de Araújo.
Objetivu husi fórum empresarial ne’e atu atu enkoraja foin-sa’e produtivu no kreativu sira ne’ebé mai ho idea negosiu inovativu hodi kria servisu ba sira nia an-rasik liu husi fortalesimentu no ekosistema inovasaun inklui involvimentu foin-sa’e sira iha prosesu rekuperasaun ekonomia.
Ba Radíu Komunidade Maubisse Mau-Loko Vice-Ministro Komérsiu Indústria, Domingos Lopes Antunes hateten Programa ida ne’e lansa ona iha loron 3 fulan Setembru 2022 iha Postu Administrativu Maubisse Munisípiu Ainaro.
“MTKI hamutuk ho UNDP, COICA, IADE, lansa iha dia 3 de Setembru fulan Kontuk iha ne’e, kobre Aileu, Ainaro, Manufahi, Covalima. Fó opurtunidade ba Joven sira kria palnu Negósiu ida ke diak inovativu, kriativu iha seitór produtivu sira Indunstria, Agrikultura, Hotikultura, bele Hakiak Animal hotu-hotu hola parte iha kompetisaun ne’e” Dehan Vice Ministru Komérsiu no Industria ba Jornalista RKMM 23/11/2022.
Membru Governu ne’e fundamenta liu tan aplikantes foinsa’e ne’ebe supmete sira nia Proposta hamutuk 204 no iha Propsta 60 maka liu iha seleksaun.
“Deste dia 3 de Setembru tó agora Husi Aileu, Ainaro, Manufahi, ho Covalima konsege hatama sira nia proposta 204 (Atus Rua Hát) aplikantes ekipa sira halo seleksaun hili deit 60 (Nen Nolu). Ne’ebé 60 (Nen Nolu) ohin ita konsentra fali atu halo Pra-akampamentu molok ba faze final, aktividade ohin loron ne’e ba loron 3 sei halo apresentasaun, sei iha formasaun, oinsa maka mellora liu sira nia planu Negósiu ne’ebé hatama ona Proposta atu núne’e Juri sira bele hatene ona se maka atu liu. Orsamentu ne’ebé maka komisaun organizadora ho Governu UNDP másimu ne’e 10.000 (Rihun Sanolu) Bele 1.000, 2.000 , 3.000, ne’ebé hau hanoin ohin hau nia prejente iha ne’e atu kuntinua enkoraja sira para hadia sira nia planu Negósiu ne’e bele iha tempu badak atu nain hira ne’e hetan premeiu” Tenik Vice Ministru Komérsiu no Industria Iha Maubisse loron 23/11/2022.
Iha eventu ne’e hetan partisipasaun husi Reprejentante Administradór Munisípiu Ainaro, Beni Manuel de Araújo, Administrad’or Postu Maubisse, Hamutuk ho empreza foinsa’e sira ne’ebé selesionadu hamutuk na’in 60 (Neen Nulu) sei partisipa iha sesaun pra-akampamentu durante loron 3 hodi halo preparasaun diak liu tan ba sira nia ideia negósiu ne’ebé konstrutivu no sei akompaña husi ekipa fasilitadór sira, no sei tuir kompetisaun iha loron ikus hodi hakat ba faze tuir mai.
Jornalista Moises da Silva Magno
Editór Joaquim de Fátima Coutinho
