Racom Maubisse (21/11/2022) Komandante Polisia Nasional Timor Leste Esquadra Maubisse, Adolfo Brandão Mota, hateten ida ne’e iha abrtura ba Jogu Komunitária hodi Komemora loron Proklamsaun Unilateral 28 de Novembru ba dala 47 iha Postu Administrativu Maubisse Munisípiu Ainaro.

Adolfo hateten nia parte sei la tolera Sidadaun ne’ebe hemu lanu hodi kria instabilidade ba Jogu Komunitária ida ne’e iha Maubisse, karik iha maka sei supmete direita ba Komandu PNTL Munisípiu Ainaro.

“Hau sei la tolera kualquer se deit hemu lanu mai barullo iha joga ida ne’e, se maka barullo imi kópera ho hau diak hau sei tolera imi. Se imi la kópera ho hau problema hau sei la resolve iha ne’e hau sei haruka ba Ainaro ne’ebé ita fiar malu. Buat ne’ebe maka imi halo iha liur lalikan aplika iha joga ida ne’e, ne’ebe  durante joga hau sei haruka ekipa ida jaga iha ne’e komesa eventu ne’e hahú tó dia 7 de Dezeembru. Ne’ebé laiha ema ida atu joga ho kondisaun lanu” Apela Komadante PNTL Esquadra Maubisse iha Abertura Jogu Komunitária hodi komemora loron 28 fulan Novemnru 2022 ba dala 47 iha Maubisse 21/11/2022.

Autoridade Seguransa Posstu Administrativu Maubisse ne’e kuntinua husu ba Jogadores sira atu jiga tuir regras ne’ebé maka iha, no labele lori problema husi liur tama iha kampu.

“Ba jogares sira iha regras no regulamentu balun ne’ebe ohin hau haré no hau asina ona. Ne’ebé ba formadór sira tenki esplika klean nia regras sira ne’e ba jogador sira liu-liu ba suporter sira husi Klubu sira tenki esplika regras ba sira para sira bele hatene. Hau ható ba alin sira hotu ita komemora loron ne’e laos loron halimar nian ne’ebé labele halimar, labele mangame lori fali buat seluk mai implementa iha ne’e” Hateten Komandante Esquadra PNTL Postu Maubisse 21/11/2022

Entertantu Akrividade ba Komemorasaun Loron Proklamsaun Indepedensia iha Maubisse maka hanesan, Jogu Footsal Voly, Halai Maratona, no Dada Tali.

Orsamentu  hodi Komemora loron Importante ne’e iha Maubisse ho nia total Orsamentu Dolares $2.590.

Jornalista                     Moises da Silva Magno

Editór                          Joaquim de Fátima Coutinho