Racom Maubisse (17/11/2022) Autoridade Lokal Postu Administrativu Maubisse Liu husi Programa Mão de Obra, Mobilija Komunidade Hadia Fatin ba Komemorasaun Loron Proklamasaun loron 28 fulan Novembru 2022 iha Kamlai Suku Maubisse Villa.
Alende fatin ne’ebé maka hadia dadaun ne’e sei halao mós ho aktividade desportu Football ne’ebe maka sei realija iha Semana oin. Tamba Xefe Suku Maubisse Villa Hamutuk ho Administrador Postu Administrativu Maubisse disidi Komemorasaun loron importante ne’e sei selebra iha Kampu Kamlai, tamba fatin Prasa Maubisse la Sufisiente hodi akumula Komunidade husi Suku 9.
Ba Radiu Komunidade Maubisse Mau-Loko Xefe Seksaun Planeamentu Postu Administrativu Maubisse Municípiu Ainaro Xisto Alves Lemos Hateten;
“Aktividade servisu ida ne’e liu husi Programa Mão de Obra Postu Administrativu Maubisse PMOPA ne’ebé maka husi Postu Maubisse ninian liu-liu ba iha Suku Maubisse Villa. Xefe Suku ho Administrador Postu tau prioridade ba ida ne’e atu núne’e iha Seremonia 28 de Novembru nian ita bele selebra fali iha fatin ida ne’e tamba Tinan-Tinan aktividades Nasioanl sira ne’e ita selebra iha fatin leten (Prasa Maubisse) maibe ninia kondisaun ou fatin ne’e la sufisiente para akumula komunidade sira husi Suku 9 ne’e hotu” Hateten Xisto ba RKMM wainhira observa Komunidade sira halao servisu ba hadia Kampu Kamlai Maubisse loron 17/11/2022.
Alende ida ne’e Komemorasaun ba Loron Proklamasaun 28 de Novebru ba Tinan ne’e iha Maubisse sei halao aktividade desportu ba Modalidade 3 maka hanesan Footbal, Voliy, no Tinju.
Xefe Seksaun Planeamentu Postu Administrativu Maubisse kuntinua fundamenta liu tan katak, Impementasaun ba Programa Mão de Obra ba faje dahuluk nian kobre hotu ona iha Suku 9 no faze daruak ne’e ba oras ne’e dadaun kobre ona Suku 6 iha Postu Maubisse nia konta.
“PMOPA iha faje premeiru kobre ona iha Suku 9 ne’e hotu, no aktividade ida agora dadaun lao ne’e iha Suku 6. Maka hanesan iha Suku Maubisse Villa rasik, Maulau, Edi, Fatubessi, tamba ligasaun estrada husi Postu Administrativu Maubisse ba Postu Turiscai, no ba fali parte sorin hanesan iha Suku Horaiquic nian tamba ligasaun estrada husi Postu Maubisse ba Postu Hato-Builiku, í Suku Aituto ninian ligasaun estrada ba Municípiu Ainaro rasik ho Municípiu Manufahi. Entau aktividade PMOPA nian ba faje sigundu ninian agora dadaun lao hela iha Suku 6” Fundamennta Xisto ba Jornalista RKMM iha Kamlai 17/11/2022.
Jornalista Moises da Silva Magno
Editór Joaquim de Fátima Coutinho
