Racom Maubisse 17/11/2022. Ba Radiu Komunidade Maubisse Kórdenador Komunikasaun Diresaun Indentidade Úniku-TIC Timor I.P Miqueias da Conçeicão katak;
“Objetivu husi ami nia aktividade Sosialijasaun ida ne’e ita hakarak atu sosialija ou sensibilija informasaun husi Programa Oitavu Governu ninian ne’ebe maka lidera husi Exelencia Prmeiru Ministru Taur Matan Ruak ba ita nia Komunidade sira hotu liu-liu ba ita nia Autoridade Lokal sira kona-ba programa ID Úniku” Hateten Miqueias da Conçeicão hafoin Fahe Informasaun kona-ba programa ID Úniku ba Autoridade Lokal no Komunidade sira iha Salaun Administrasaun Postu Administrativu Maubisse loron 17/11/2022.
Nia Fundamenta programa ida ne’e hanesan programa foun, ne’ebe maka utulija hodi identifika sidadaun hotu.
“Programa ID Úniku ne’e programa foun ne’e hanesan programa dijitalizasaun ida ne’ebe maka ninia objetivu ne’e atu utulija hodi verifika ita nia sidadaun hotu, entaun ita hakark atu antes progeama ne’e ita implementa ita hakarak ita nia Autoridade Lokal sira hotu iha koiñesementu kona-ba programa ida ne’e. Seluk ita nia sosialijasaun ne’e ita hakarak hetan mós krítika husi Autoridade Lokal sira, hanesan lideransa iha Postu no Suku sira ligado ho baje de dadus ou problema hirak ne’ebé maka sira infrenta kona-ba prosesu verifikasaun ninian” Nia hateten 17/11/2022.
Entertantu Aktividade ida ne’e Halao ona iha Postu Administrativu Ainaro Villa, Hato-Udo, Hato-Builiku, no loron 17/11/2022 iha Postu Administrativu Maubisse.
Jornalista Moises da Silva Magno
Editór Joaquim de Fátima Coutinho
