Fundasaun  PATRIA Halao Edukasaun Sivika Ba Feto Foin Sae Sira Iha Munisipio Ainaro

0
215 views

Racom Maubisse, 16/11/2022 Fundasaun  PATRIA hamutuk ho  Asosiasaun Feto Ba Dezenvolvimentu Munisipio Ainaro parseria ho Plan Internasional halao edukasaun sivika ba feto foin sae sira iha Munisipio Ainaro.

Quartra feira ne’e, Organizasaun Naun Govermental PATRIA ho Asosiasaun Feto Ba Dezenvolvimentu Munisipio Ainaro parseria ho Plan Internasional halao edukasaun sivika ba feto foin sae sira iha Munisipio Ainaro.

Ba Radio Komunidade Maubisse Mauloko Laura Lopes hanesan Jerente Advokasia Plan Internasional informa katak;

“Formasaun nebe halao, foka liu konaba partisipasaun feto iha vida lideransa no partisipasaun feto iha vida públiku no vida  politika hodi enpodera feto sira hodi simu desentralizasaun poder lokal administrativa  iha sira nia munisipio”.

Iha Fatin hanesan Ana Maria Pereira hanesan reprejentante feto iha Munisipio Ainaro haktuir katak;

“Formasaun nebe ohin halao inportante tebes ba joventude feto foin sae sira iha Munisipio Ainaro hodi hasae sira nia kunesementu tamba, ne’e husu atu formasaun hanesan bele iha kontinua saun iha futuru”.

Entertantu aktividade edukasaun sivika ida ne’e laos halao deit iha Munisipio Ainaro, maibe tuir planu Plan Internasional ho nia parseiro Fundasaun PATRIA sei halao mos iha Munisipio Aileu, DILi inklui  munisipio Ainaro.

Jornalista       :Natalino Mendonca

Editor             :Joaquim De Fatima

0 0 votes
Article Rating
Subscribe
Notify of
guest
0 Comments
Inline Feedbacks
View all comments