Racom Maubisse (10/11/2022) Loron 8 Fulan Novembro 2022, Hafalun Tristeza ho Matawen ba Familia bót Uma Lisan Liqui, Manorin Nain no Estudante Eskola Sekundaria Katólika Santo Inacio de Loyola Maubisse, Tamba Lakon Ona Oan Mane no Manorin Nain ida, Professor Carlos de Araújo.
Iha Selebrasaun Missa hodi halot Mate Isin Saudosu Carlos de Araújo Iha Kapela Santo Cristovão Maulahulo Suku Mulo Hato-Buiiku, Ne’ebe presidi husi Amu Pároko Maubisse, Aktual Direktur Eskola Santo Inacio de Loyola Maubisse Pe. Felisiano Bareito Soares Rordriquies, ho Amu Pároko Nosa Senhora da Grasa Hato-Builiku Pe. Francisco Soares Fernandes.
Iha Homelia Padre Felisiano Bareito Soares Rordriquies, aktual Direktur Eskola Santo Inacio de Loyola Maubisse Hateten;
“Mestri Carlos ema ida ne’ebé nonók deit, hakmatek nia Professor ida ne’ebé prokupa tebes. Eskola SMA K ida ne’e hahú tamba Professor ne’e ho sira seluk tan, ami nia Eskola hahú premeiru iha Amu Sico nia tempu, 2004-2005 taka tamba Professor laiha. Depois Amu Albino mai halo rekruta Mestri lubuk ida termasuk Mestri Carlos. Ne’ebé ami nia Eskola forte tamba Mestri sira ne’e iha ida maka Mestre Carlos, Nia mós hadomi tebtebes Eskola ne’e ho esprensia lubuk ida maka nia liu tama tó Tribunal tó iha ne’e ema dehan dame nia mós dame deit, tamba eskola ema ba baku nia tó uma maibe nia pasensia no nonok deit nia la balas” Dehan Direktur Eskola ne’e 10/11/2022.
Tamba ne’e ba Manorin nain estudante Eskola Santo Inacio de Loyola Maubisse Direktur Eskola, aktual Amu Pároko Igreja Imaculado Coração de Maria Maubisse Husu.
“Professor Preofessora no Estudante Sira hotu Mestre Carlos laos ema foun ba ita, esprensia ne’ebé ita rona iha Livru Job nian bolu ita atu fiar metin katak, moris ne’e laos iha deit ne’e. Ho esperensia ne’ebe maka nia liu ne’e hatudu katak Maromak la husik nia mesak. Iha Evangelu hateten katak Jesus ne’ebé halo moris faluk ida nia oan mane mesak atu dehan katak ita ne’ebé fiar metin iha Jesus ita sira ne’e mós sei moris Hias ho Jesus iha Nia Reinu” Dehan Padre Pároko Maubisse iha Missa Ikus ba Matebian Mestri Carlos de Araujo Iha Kapela Santo Cristovão Maulahulo 10/11/2022.
Amu Pároko ne’e mós Haktuir liu tan Kontribuisaun Matebian Carlos de Araújo ba Igreja Katólika Liu-liu Paroquia Maubisse, Liu husi Kontribuisaun ne’ebe maka Saudosu halo ba Kapela Hato-Luli Suku Maubisse Villa.
“Nia Hanesan Professor nia mós halo Kapela ida iha ne’ebá laos dehan katak fundu husi nia no Mana Mena dala barak sira Kredit atu finaliza Kapela ne’e. Tamba ne’e maka hau husu lori nia ba tau kalan ida iha ne’ebá tamba ne’e ninia obra. Hau hatene katak nia Kredit dala rua dala tolu ida hanesan ne’e atu deit bele finaliza prosesu Konstrusaun Kapela Hato-Luli Maubisse, Hau fiar katak Jesus Missa Regordia ne’e hasoru no lori Nia ba Lalehan Ona” Haktuir Amu Pároko Liu Husi Nia Homelia 10/11/2022.
Hafoin de Missa Familia hamutuk ho Amu Selebrante Nain rua Lori kedan Saundosu ba Halot iha Fatin deskansa Ikus nian Iha Simitériu Maulahulo Suku Mulo Hato-builiku Municipiu Ainaro.
Entretantu Matebian Carlos de Araújo moris iha Loron 04 fulan Abril 1982, no termina Viagen moris nian iha Rai ida ne’e iha Loron 08 fulan Novembru 2022, Husik hela Fen Kaben ho Oan Nain rua Feto ida no Mane ida.
Jornalista Moises da Silva Magno
Editór Joaquim de Fátima Coutinho
