Racom Maubisse (26/10/2022) Autoridade Lokal Postu Maubisse, no Konsellu Radiu Komunidade Maubisse Mauloko (RKMM) Hamutuk ho Lia Nain Iha Maubisse Kuarta Feira ne’e , hamutuk iha Edefisiu Racom Maubisse.
Liu husi Surumutuk ida ne’e hodi husu Lisensa ba Natureja, antes badaen no traballadores sira kuntinua servisu.
Relasiona ho ida ne’e Prezidente Konsellu RKKM Manuel Sequira de Araújo hateten, liu husi ida ne’e atu husu hela ba Lia Nain nia nia hamulak atu Natureja fó nafatin matak malirin ba iha ema sira ne’ebe maka servisu ba Rehabilitasaun Edefisiu Radiu Komunidade Maubisse Mau-Loko (RKMM)
“Hanesan Konsellu Radiu reprejenta Komunidade iha Maubisse, husu hela ba Lia Nain ne’ebe hatene Kultura kaer Rai Nain, Lulik sira iha ne’e ita bót sira maka hatene, atu husu hela ba Rai Nain fó hela matak matak malirin ba labarik sira ne’ebe maka servisu iha ne’e, atu bele hadia fatin ne’e ho diak tuir ita nia hakarak tuir mós rai Nain nia hakarak” Tenik Prezidente Konsellu RKMM ih Edefisiu Rakom Maubisse Mau-Loko 26/10/2022.
Fatin hanesan reprejentante Administrador Postu Maubisse Domingos Mendonca dehan tan katak, Administrasaun Postu Maubisse Agrdese ba Governu nia apiu hodi reabilita Uma Radiu Komunidade Maubisse Mau-Loko.
“Husi Administrasaun agradese ba Jestor Radiu bele halo aprosimasaun ho Governo hodi bele fó Apoiu hodi bele reabilita Radiu Komunidade Maubisse” Dehan Reprejentante Administrador Postu Maubisse 26/10/2022.
Biban ida ne’e mós Jestor Radiu Komunidade Maubisse Mau-Loko Joaquim de Fátima Coutiho Agradese ba Kóperasaun diak ne’ebé lao durante ne’e ho Autoridade Lokal, Autoridade Komuniratia, Konsellu Radiu no Komunidade sira iha Maubisse hodi Radiu Maubisse nafatin ejisti tó ohin Loron.
Total Orsamentu ba Rehabilitasaun Radiu Komunidade Maubisse Mau-Loko Husi MAPKOMS Liu husi Sekretaria Esradu Komunikasaun Sosial (SEKOMS) Diresaun Nasional Promosaun no Dezemvolvementu Mídia Lokal (DNPDML) ho montante $6.500.
Jornalista Moisese da SilvaMagno
Editór Joaqim de Fátima Coutinho
