Racom Maubisse 21-09-2022, Durante fulan ualu Sekretariadu Tékniku Administrasaun Eleitorál Munisípiu Ainaro rejista eleitór foun 934

Diretúr STAE Munisípiu Ainaro, Fransico Bianco iha  kuarta-feira ne’e relata hahú iha fulan-jeneiru to’o fulan-agostu tinan ne’e, stae ainaro rejista ona eleitór foun hamutuk atus sia, tolunulu resin haat (934).

Ba Radio Komunidade Maubisse Mauloko, Diretór STAE Munisípiu Ainaro Francisco Bianco Hateten katak;

“Mesmu rejista eleitór foun barak, maibé STAE Ainaro mós infrenta difikuldade hanesan mákina imprime kartaun eleitorál iha unidade rua, nune’e difikulta tebes prosesu imprime, bainhira eleitór barak”.

Diretór STAE Munisípiu Ainaro Francisco Bianco hatutan liu tan katak STAE Munisípiu Ainaro hahú hosi Janeiru to’o fulan Agostu ne’e destaka ona ekipa no koloka mákina imprime kartaun eletorál ida iha Postu Maubisse no ida iha Postu Ainaro Villa, nune’e bele atende elitór foun sira husi Posto Hatu-Udu no Hato-Builiku.

Jornalista                : Joaquim Coutinho

Editor                       : Joaquim Coutinho