Racom Maubisse, 23 de Setembro 2022, Kondisaun Estrada Ligasaun husi Cruzamentu Aituto Maubisse ba to’o Hatobuilico Villa sae to’o Santuariu Ramelau kontinua at ba bebeik, maske governu iha ona planu atu hadia, maibe ate agora seidauk bele hadia.
Ba Radio Komunidade Maubisse Mauloko, Eis Secretariu Zona Posto Hatobuilico Alexandre de Araujoinforma katak;
“Posto Hatobuilico iku ho Hostikultura nomos turismu, maibe kondisaun dalan mak la permiti atu komunidade sira bele asesu ho lai ba merkadu nune’e bele fan sira nia produtu local hanesan repolho, fehuk ropa, senoura nomos produtu local sira seluk”
Veteranus Posto Hatobuilico ne’e salient liu tan katak;
“Estrada Ligasaun Cruzamentu Ailaulalan Aituto Maubisse Mai Hatobuiico Villa, at desde tempu Indonesia mai to’o ohin loron, governu troka malu dala hira ona no sukat Estrada ne’e dala hira ona maibe mak nafatin nune’e laiha mudansa, tamba ne’e ho kondisaun Estrada ne’ebe at ba bebeik difikulta tebes komunidade agrikultores sira atu lori sira nia produtu local ba fan iha merkadu”.
Ligadu ho kondisaun Estrada ne’ebe nia kondisaun at ba bebeik, actual Dewan Pastoral Hatobuilico ne’e, husu ba governu atu tau atensaun ba Estrada ligasaun Maubisse Hatobuilico, nune’e bele facilita komundade agrikultores sir aba fa sira nia produtu local, e mos husu ba governu atu dada eletricidade ba aldeia sira ne’ebe mak seidauk asesu ba roman eletricidade.
Jornalista : Joaquim Coutinho
Editor : Joaquim Coutinho
