Racom Maubisse (17/08/2022) Ba Rádiu Komunidade Maubisse Mau-Loko Xefe Aldeia Laklo Letefoho Munisípiu Ermera Francisco Soares Iha nia Rezidénsia Hateten Komunidade Sira Prontu Oferese Sira nia Ai-Oan no hela fatin tanba sira hakarak Asesu ba Dezenvolvimentu ne’ebé maka Komunidade sira hein Durante tinan barak Nia laran.

“Ami senti Kontenti no Orgullu Tebes Tanba Tinan Naruk ona ami hein hela Dezenvolvimentu agora Dezenvolvimentu ne’e foin tama ne’e maka Ami ho Komunidade sira nia hakarak maka ida ne’e” Tenik Xefi Aldeia Laklo Letefoho Munisípiu Ermera 17/08/2022.

Nia hatutan Liu husi ida ne’e mós bele ona Loke Kampu de Traballu ba foinsá’e sira. Tanba ne’e Lideransa Aldeia ne’e  Husu ba Komunidade Sira atu kópera no kontribui.

“Ami nia Populasaun sira husi Aldeia ba tó Suku husu atu hakamatek iha fatin hodi hein no mantein Dezenvolvimentu ne’e tama iha ita nia Aldeia no ita Suku. Kona ba Ai-horis No Uma kintal Populasaun sira bele Oferese roh-rohan ba Dezenvolvimentu ida ne’e,Tanba ba loron ohin ne’e sira mai Surfei ona Estrada no tidin estaka ne’e sira mai duni husi Banku Mundiál no Ministériu Obras Públiku maka mai to iha ami nia fatin” Hatutan Xefe Aldeia Laklo 17/08/2022.

Entretantu Estrada Nebe Sukat no Surfei dadaun nee Hahú Husi Letefoho Munisípiu Ermera Liga Hato-Builico Munisípiu Ainaro.

Jornalista   Moises da Silva Magno

Editór         Joaquim de Fátima Coutinho