Racom Maubisse, 29-09-2022, Autoridade no komunidade Suku Foho-Aliku hamutuk ho estudante estajiadu husi UNTL realiza seminariu kona-ba konsolida komunidade inkluzivu, unidade no justu hodi komemora loron konsulta popular ba dala-23, iha Posto Administrativo Hatu-Odo Municipiu Ainaro.
Tamba ne’e iha Segunda Feira ne’e, autoridade lokal suku Foho-Ai-Liku hamutuk ho estudante estajiadu husi UNTL, komemoral loron kosulta popular ba dala-23 ho atividades seminariu hodi koalia kona-ba kosolida komunidade inkluzivu unidade no justu.
Ba radio Komunidade Maubisse Mauloko, Xefe Suku Foho-Ai-Liku, Deonato De Araujo Laet Informa katak;
“Aktividade seminariu ne’e realiza hodi komemoral loron konsultasaun popular ba dala-23, tanba ema barak mak kontribui ba ukun rasik an”.
Xefe Suku Foho-Ailiku Ne’e Salenta katak;
“Atividade Seminariu Ne’e Halao, Tanba Inisiativa Husi Autoridade Lokal Sira Ho Estudante Estajiadu Sira Husi Untl, No Hetan Apoiu Osamentu Hosi Komunidade Suku Foho-Ailiku”.
Entretantu total orsamentu ne’ebe komunidade suku Foho-Ai-Liku Hato-Udo kontribui hamutuk kuaze dolar amerikanu rihun ida, hodi selebra loron historico konsulta popular 30 de Agosto iha Suco Foho-Ai-Liko, Hato-Udo Municipiu Ainaro.
Jornalista Moises Magno
Editor Joaquim Coutinho
