Racom Maubisse, 19/08/2022 Domingos Da Costa Guterres Hanesan Inpektur Jeral Do Jogos Inagura Sede Timor Pool ho Amizade iha Postu Maubisse Munisipiu Ainaro
Ba jornalista radio komunidade Maubisse Domingos hateten
“Ha’u hanoin Politika Governu tuir Dekretu Lei numero 6/2016 iha ne’eba hateten momos katak Kompania ne’eba mak legal tenki halo nia operasaun iha Timor laran tomak, no Ida maka halao kaptasaun diak liu ba estadu, ida seluk maka rekruta joven sira iha area rural liuliu mak iha postu administrative sira bele mos serbisu iha fatin nee, e sira mos bele halo dezenvolviemtu hamutuk ho autoridade munisipiu inklui postu maubisse”.
Lideranca Jogo Lotaria Timor Pool no Amizade ne’e hatutan liu tan katak;
“Ho nune’e governu ho inspeksaun jeral jogos sempre hamutuk ho kompania nebe mak legal liuliu lotaria trabalhador sira bele halao knar nee ida nee mak bele kumprimentu ba dekreitu lei nee hanesan inpektur jeral do jogo iha biban ida nee mos hakarak husu ba konpania sira nia lina ka ramu de aktividade sei too mos iha postu no munisipiu sira”.
Kompania nee mos sei serbisu hamutuk ho autoridade sira aban bairua karik iha situasaun difikuldade ruma sira mos sei halo asaun karidade, no asaun sira nune’e iha dili mos sempre halo beibeik nomos sira iha postu nee aban bairua mos sei halo hanesan nee.
Iha Fatin Hanesan Xefi Do Postu Claudino Mendonca Hateten;
“Iha dia 19 de Maio 2022 fulan tolu kotuk liuba iha tempu neeba ami hanoin abertura no inagurasaun sede nee, ofisialmente hodi halo jogus lotaria amizade iha postu maubisse, maibe simu fali konvite katak ohin mak foin ofisializa loke no inagura fatin ida nee para hodi halao jogu amizade iha postu administrative, ohin ofisializa dala ida tan para jogus nee bele lao ho diak amizade liu tan iha Postu Administrativu Maubisse”.
Tamba ne’e Administrador Posto Maubisse ne’e agaradese ba direktur kompania lotaria amizade tanba bele fo serbisu ba jovens sira tanto iha nasional no local, tamba ne’e em nome autoridade hato’o agaradese no obrigadu ba kompania tanba bele fasilita serbisu ba joven maubiss oan atu nune’e joven maubisse sira ne’ebe maka iha esperiensia bele mai serbisu iha nee.
Jornalista :Natalino Mendonca
Editor :Joaquim De Fatima
