Racom Maubisse, 14/08/2022, Timor Leste ho nia identidade rasik hanesan mos rai seluk iha mundo rai klaran, iha Timor Leste Konhecido ho nia kultura mak uma lisan, tamba ne’e lian nain uma lisan iha rai saren manu kati, Leo Lima Posto Adm Hatu-Udu Munisipiu Ainaro, la aseita atu modifika uma lisan ba uma modernu tanba konsidera halakon orijinalidade kulturais.
Relasiona ho uma lisan labele moderniza ho material modern hanesan simenti, besi no kalen, ba Radio Komunidade Maubisse mauloko, oan mane hosi lisan bertei elizario da silva hateten katak;
“Kultura hanesan patrimoniu no identidade nasaun nian tanba nee labele atu moderniza, se moderniza bele halakon orgijin kultura Timor nian”.
Tamba ne’e Lia nain ne’e husu governu atu tau atensaun ba kada uma lisan atu nune’e uma lisan nia nain sira labele halo uma lisan sira ho material modern nian, selae halakon kultura uma lisan nian
Iha fatin hanesan relasiona ho uma lisan balun moderniza ona ho material modern reprezentante ADM Posto Hatu-Udu Segres Jelino Tilman;
“Hanesan autoridade local hakarak apela ba lia-nain sira atu kontinua prezerva identidade no patrimoniu kulturais iha rai Hato-Udu Municipiu Ainaro”.
Observasaun Radio Komunidade Maubisse iha terenu nota katak uma lisan sira iha Postu Administrativu Hatu-Udu, kontinua mantein ninia orijinalidade ho dut no ai local no laiha uma lisan ida mak utiliza zinku, maibe iha posto administrativu seluk Municipiu Ainaro uma lisan balun konstrui ona ho material modern.
Jornalisata : Moises Magno
Editor : Joaquim Coutinho
