Racom Maubisse, 4/08/2022, Kada Tinan Estudante sira ne’ebe remata ona teoria iha UNTL sempre halao estaziu tuir regars ne’ebe Universidade estabelese ona katak, depois de teoria iha mos pratika, nune’e estudante husi Departementu informática UNTL halao sira nia estaziu durante fulan ida iha Administrasaun Posto Maubisse, hodi halao pratika konaba oinsa ajuda komunidade no instituisaun relevante sira iha Maubisse, liga ho ekipamentus sira hanesan komputador, laptop, ho tan ekipamentus sira seluk hodi hadia ka instala.
Ho nune’e estudante sira halao ona sira nia kna’ar ho diak no responsabilidade durante fulan ida iha Posto Administrativo de Maubisse Municipiu de Ainaro, Iha diskursu Administrador Posto Maubisse, Claudino Mendonca, hateten katak;
“Lori estrutura administrasaun Posto Maubisse Hato’o agradece ba alin estudante sira tamba ho ita boot sira nia prezensa bele tulun ona ami liu husi hadia komputador lubuk ida iha Administrasaun Posto Maubisse diak nomos ajuda hadia mos komputador no laptop balun komunidade nian diak, tamba ne’e hanesan administrador hato’o obrigadu no agradece, fila ba estuda didiak tamba imi mak future Nasaun Republica Democratica Timor Leste nia future”.
Iha Fatin hanesan Maijor Gusmão ne’ebe participa mos iha serimonia despedida Estaziariu UNTL husi Departemeno Informática ne’ebe halao iha salaun administrasaun posto maubisse haktuir mos katak;
“Ha’u lori Direktor Ezekutivu Jestaun de Crize nia naran Brigadeiro General Aluk nia naran, mai koko imi nia esperiensia no imi nia Matenek no kbi’it akadémiku iha Postu Administrativu Maubisse ha’u la fo valor ba imi, maibe populasaun sira nebe akonpana imi maka fo valor ba imi nia matenek no beran no kbiit sira mak fo aprezia ba imi maibe ha’u mos fo apreziasaun ba imi”.
E maijr Gusmão hatutan liu tan katak;
“Aproveita momentu despedida ida ne’e hau hakarak konta ha’u nia esperiensia hodi dehan buat hat ne’ebe importante iha imi ida-idak atu ba susesu mak hanesan disiplina, pasiensia, haraik-an, no responsabilidade, buat hat ne’e tenki lori iha imi nia moris loron loron, no imi mos tenki sukat imi nia matenek akademiku nian”. Dehan Maijor Gusmão
Nune’e mos tuir chefe do Suco Maubisse Villa Wilson Nivio Mendonca, ne’ebe participa mos iha serimonia despedida ida ne’e, haktuir mos katak;
“Honra bo’ot ida ba ita hotu mak ida ne’e, ita nia luta nain sira konklui saida maka sira hakarak katak rai ida ne’e liberta ona, agora oinsa jerasaun foun sira tenki luta makas hodi priense dezenvolvimento ba rai ida nee, tamba dezemvolvimentu laiha ninin laiha rohan, tanba ne’e esperansa iha ita hotu nia liman”.
Entretantu Komandante PNTL Esquadra Maubisse Adolfo Mota mos hato’o agradecimento ba Estudante sira tamba bele ajuda hadia ona komputador, no printer balun iha esquadra Maubisse.
Jornalista : Natalino Mendonca
Editor : Joaquim Coutinho
