Racom Maubisse, 9/8/2022, Kada Tinan Ministerio da Edukasaun iha nia horariu annual hodi realiza ezame primeiro priode no mos segungundo period, relasiona ho ezame Segundo period ne’ebe lao iha teritorio Timor laran tomak tuir kalendariu Ministeriu da Edukasaun nian, Segunda Feira 08/08/ 2022 foin lalais ne’e, Escola Katólica São Paulo III Maubisse halao Ezame Segundo Periodo Lao ho Diak, Maibe Menus Fasilidade Hanesan Kadeira Ho Meza.

Ba Radio Komunidade Maubidsse Mauloko Adjunto Director Eskola Pre-Sekundaria Katólika São Paulo III Maubisse, Mirando de Orleans Pereira Hateten katak;

“Ezame segundo periodo lao ho diak hahu dia 8 de Agusto sei termina iha dia 14 de Agusto 2022, Pontus ezame ami prepara semana ida ona, no implementasaun hahu husi dia 8 too 14 hotu ami halo korreksaun, no ezame Segundo period lao normal hanesan tinan tinan lao hela ona, maibe problema ne’ebe eskola ne’e hasoru mak falta fasilidade hanesan meza ho kadeira mak ladun kompletu nune’e bele halao ensino aprendisazem ho maksimu, aleinde nee mos profesores permanente nain haat no kontratadu nain rua  voluntariu nain haat mak toma konta ba estudante São Paulo III Maubisse total estudante hamutuk 279”.  Haktuir adjunto director São Palulo III Maubisse ne’e.

 Tamba ne’e tuir Adjunto Director São Paulo III Maubisse ne’e katak:

“Ami hein hela ministeriu da edukasaun atu halo reforma ba profesores nebe maka atinji ona tinan 60 anos ba leten atu nunee fo fatin ba professores sira ne’ebe hasae ona kursu ba edukasaun tuir nia espesialidade, tanba edukasaun iha professores antiguidade hotu, ho nune’e rekomenda ba edukasaun atu haree ba professores kontratadu ba permanente lalais tanba iha eskola ne’e professors voluntariu barak los”. Sublinha adjunto director São Palulo III Maubisse ne’e.

Alunus ne’ebe participa iha ezame Segundo periodo ne’e hamutuk 279 kompostu husi primeoro ano pre secundario to’o terseiro ano pre secundario.

Jornalista :Natalino Mendonca

Editor       :Joaquim de Fatima Coutinho