Racom Maubisse (22/07/2022) ” Ita atu refleta itoan kona-ba importansia familia Katólika  iha ita nia rain, Liu-liu iha Maubisse , hanesan ita hotu hatene katak familia maka knúk moris ninian tamba iha familia maka oinsa ita aprende atu moris, iha familia ita aprende premeiriu oinsa atu bolu apa ama, iha familia maka ita aprende oinsa atu hola Bensa, iha familia maka oinsa ita aprende oinsa atu fó Bondia ho Batarde, iha familia maka oinsa ita aprende oinsa atu han no oinsa atu moris” Hateten Premeiru Cardiál Timor Leste no Archebispu Mertopolitana de Dili Dom Vorgilio do Carmo da Silva SDB, iha Missa ba Inaugurasaun Kapela São Jose Operario Rimori, aumesmu tempu fó Sakramentu Matrimonia ba  Familia Xefe Suku Maubisse Villa Wilson Nivio Mendonça ho nia Espoza Angelina Vicy dos Santos 22/07/2022.

Tamba ne’e Amu Bispu hateten;

“Familia ne’e buat ida importante Knúk moris, buat hotu hahú iha familia, tamba ne’e kuandu familia diak saida maka akontese ita nia Uma Kreda forti ita nia Sociadade forte. Tamba ida ne’e maka ita bót sira fihir São Jose sai hanesan  Patroeiru ba Kapela ida ne’e, ne’e duni loron ida ohin premeiru atu lori ita atu reflete itoan kona ba importansia familia Katólika iha ita nia Sociadade, ita nia Uma Kreda liu-liu ba Komunidade Sarani Maubisse ninian, segundu iha kontekstu ida ne’e ita mós Inaugura ita nia Igreja” Hateten Amu Bispu iha Rimori Maubisse 22/07/2022. 

Jornalista                     Moisese da Silva Magno

Editór                          Joaquim de Fátima Coutinho