Racom Maubisse (22/07/2022) Achebispu Dili Hanesan mós Premeiru Cardiál iha Timor Leste, Sesta feira ne’e Fó Sakramentu Matrimoniu ba Xefe Suku Maubisse Villa Wilson Nivio Mendonça ho Espoza Agelina Vicky dos Santos Iha Kapela São Jose Operario Rimori Maubisse.

Tamba ne’e iha Missa ba Inaugurasaun Kapela no Sakramentu Matrimoniu ba Autoridade Suku Maubisse Villa ho nia Espoza  Nai Bispu hateten, Finalidade husi Sakramentu Matrimoniu laos deit atu moris hamutuk maibe atu hatan oan no Edukasaun ba oan sira nian, ida ne’e maka papel importante hanesan inan ho aman nian.

“Iha Eukaristia iha Sakramentu Matrimoniu ne’e halo Santu Haforsa atu imi nain rua bele tó rohan. Sakramentu ida ne’e mós ninia finalidade ida maka laos deit atu moris hamutuk, maibe atu hetan oan Edukasaun oan sira ninian. Hotu-hotu ne’ebe simu Sakramentu ida ne’e ita bót sira mós promete atu akompaña eduka oan sira Hanorin sira atu moris núdar Sarani” Hateten Bispu 22/07/2022.

Archebispu hatutan liu tan katak,Sakramentu Kaben iha Uma Kreda hanaran Sakramentu Domin.

“Sakramentu Kaben Hanesan Ema dehan, Kajamentu maka ema nain rua ne’ebe kaer liman lao feto ida mane ida kaer liman hateke ba oin la haré ona fitun rua, ou la haré ona fulan rua maibe iha fulan ida deit ona, mehi ida deit ona, laiha tan ona mehi bar-barak, I Sakramentu ida ne’e iha Uma Kreda ita hanaran Sakramentu Domin”  Haklaken Archebispu Metropolitana de Dili iha Kapela Rimori Wainhira hareik Bensaun Ba Kapela no Sakramentu Matrimoniu ba Xefe Suku Maubisse ho Ninia Espoza 22/07/2022.

Jornalista                     Moisese da Silva Magno

Editór                          Joaquim de Fátima Coutinho