Racom Msubisse (21/07/2022) Hafoin de fo Bensaun no Inaugura Kapela Lumluli Suku Maulau Maubisse Archebispu mós fó Bensaun ba Gruta Maded Biheturem Suku Maubisse Villa, no fó Sakramentu Matremoniu ba Par nain Tolu iha Gruta Maded Biheturem Maubisse.
Hafoin de fó Bensaun Ba Gruta iha Selebrsaun Missa ne’ebe maka Presidi husi Cardiál no Archebispu Metropolitana de Dili Dom Virgilio do Carmo da Silva SDB, iha Nia Homilia ba Sarani sira hateten, husu ema hotu atu tau matan ba Kriatura Maromak nian, hanesan Ai-horis sira iha foho lolon, atu halo Mundu ida ne’e no rai ida ne’e matak nafatin núne’e ita ema bele horik ba.
“Fatin ida ne’e atu furak liu tan, wainhira ita Missa iha loron ita bele haré buat kapaz. Ita haré kona- ba wainhira udan bót rai halai, mota, anin, estraga ema nia uma, lori idudasaun ne’ebe lori vítima ba ema barak. Tamba sa? tamba ita ema ladun iha ona domin atu tau matan ba iha Kriatura Maromak nian, falta ona ita nia domin atu kuida ba Ai-hahoris ba foho sira atu halo Mundu ida ne’e Rai ida ne’e matak nafatin furak nafatin atu ita ema bele horik ba” Dehan Archebispu iha Gruta Maded Biheturem Maubisse 21/07/2022.
Tamba ne’e ho Gruta ne’ebe maka Konstroi husi Liman Badaen Juventude sira Nai Bispu hateten;
“Tan ne’e ita iha ne’e iha foho ida ne’e, harí altar ne’e fó hanoin fila fali mai ita oinsa husi ita ema nia liman Maromak fó mai ita matenek, fó mai ita fuan, fó mai ita liman, atu núne’e ita bele transforma halo Mundu ida ne’e bele sai furak liu tan, diak liu tan ba ita hodi horik ba. Liu husi kriatura Maromak nian ida ne’e maka lori ita ba besik liu tan ba Maromak atu agradese ba Maromak fó mai ita fatin furak ida ne’e atu ita bele halibur, atu ita bele Reja, atu ita bele Hananu, atu ita bele kontempla Maromak nia domin Maromak nia diak mai ita” Haklaken Nai Bispu iha Gruta Maded Maubisse 21/07/2022.
Gruta refere hahu harí no konstroi iha tinan 2020 Inisia husi Foinsa’e Maubisse Lucas Lopes Martins Núnes ha Maluk Foinsa’e sira seluk hetan Tulun husi Komunidade no Sarani sira ne’ebe maka hela besik iha Area ne’ebá, iha loron 21 fulan Jullu ne’e hetan Bensaun husi Archebispu Metropolitana de Dili Dom Virgilio do Carmo da Silva SDB.
Aliende Mahein ba Gruta ida ne’e maka Nian Feto do Rosario de Fátima ne’ebe nia lokalizasaun Maded Biheturem Aldeia Hatufae Suku Maubisse Vila Postu Maubisse Municipio Ainaro.
Jornalista Moisese da Silva Magno
Editór Joaquim de Fátima Coutinho
