Racom Maubisse (12/07/2022) Dehan  Xefe Departementu ba Jestaun Programa Saude Municipiu Ainaro Arnaldo Lima, hateten ida ne’e wainhira halao atividade SISKA ba Komunidade Suku Aituto Postu Administrativu Maubisse Municipiu Ainaro Tersa ne’e.

“Liga ho moras sira ne’ebe maka ami rejistu makás liu iha Municipiu Ainaro maka moras Ispa, agora tuir fali ida ne’e maka moras sira liga ho kondisaun Higene ita bolu dehan diareia, no iha surtu ba moras transmisaun balun ne’ebe sei nafatin husi tinan kotuk mai tó agora maka moras denge. Entau informasaun ne’ebe maka ami hakarak fahe ba Komunidade sira katak ita iha tempu udan husu atu ita nafatin fase liman antes de prepra hahan fo hahan ruma ba ita nia oan sira,  liu-liu labarik sira labele lao ain tanan, ita presija informa mós ba Komunidade sira, haré kona ba oinsa transmisaun ba moras denge rasik liu-liu bé nalihun sira tanki sira presija fasi. Liga ho moras infesaun Respitatoria ka Ispa ne’ebe as nafatin ami rekomenda ba Komunidade enjeral atu wainhira ba tein karik ahi suar presija hadók husi labarik sira, liu-liu fuma ne’ebe hamutuk iha uma laran entaun presija hadók mós husi labarik sira ida ne’e maka meus balun ne’ebe ita halo” Dehan Médiku ne’e 12/07/2022.

Tamba ne’e husu nafatin ba Komunidade sira katak, karik hetan moras hanesan mensiona dadaun liu-liu ba labarik sira keta haluhan lori ba iha fasilidade Saude núne’e bele hetan tratamentu husi profesionais saude.

Jornalista                     Moisese da Silva Magno

Editór                          Joaquim de Fátima Coutinho