Racom Maubisse, 11 de Junho 2022, Posto Administrativu Hatobuilico hanesan mos Posto Administrativu sira seluk iha teriroriu Timor laran tomak, maibe posto Hatobuilico mak Posto ida ne’ebe besik liu iha Foho Ramelau, no iha Posto hatobuilico iha igreja foun ne’ebe hari ona kuaze 75% halo hela preparasaun atu sai paroquia iha fulan Outubro tinan ida ne’e 2022.
Ba Radio Komunidade Maubisse mauloko iha hatobuilico relasiona ho simu ilhas Santo Antonio mahein PNTL Municipiu Ainaro, Presidente Komisaun Organizadora preprasaun 25 anus existensia Nain Feto Ramelau no inaugurasaun Igreja Hatobuilico hateten katak;
“Prosesu kontrusaun Igreja hatobuilico hahu la’o dadaun ita bele dehan agora dadaun iha ona 75% hela de’it mak tore ho vidru odamatan ho janela sira, iha laran konstrusaun plafon ninian hotu ona preparasaun mós ita hahu la’o dadaun aban ita komesa enkontru hodi haree ba komisaun ninia preparasaun sira hodi simu festa bo’ot ida ne’ebé agora dadaun atu mai”.
Husu konaba servisu fiziku sira iha igreja ne’e rasik, president komissaun organizadora ne’e haktuir liu tan katak:
“Ba servisu sira ne’ebé iha igreja ida ne’e nian partisipasaun sarani ni’an maximu loos, tanba iha ne’e ita halo programa tuir aldeia-aldeia, husi igreja mós forma estrutura ba to baze hodi organiza sarani sira mai servisu kada semana dala rua, ne’ebe aktividade sira lao hela, maske lao neneik maibe bebeik”.
Prosesu inaugurasaun hela de’it fulan rua ou tolu ita tama ona ba iha faze preparasaun inaugurasaun paroquia ninian, hanesan Hatubuilico oan husu ba maluk Hatubuilico iha estranjeiru rai laran iha fatin hotu-hotu no sarani Timor tomak ne’ebé mak iha posibilidade atu bele ajuda ami-nia preparasaun ida ne’e, ami hanesan komisaun organizadora pronto nafatin simu ita bo’ot sira nia apoiu, saida de’it mak ita bo’ot sira fó ida ne’e ami agreadese no simu nafatin ho liman rua, especial liu-liu ba Hatubuiloco oan sira, maluk balu maka bele oferese ajudus ruma oitoan-oitoan mai ita nia preparasaun, liuliu kadeira meza sira agora dadaun kadeira ba igreja laran mak ita sei preokupa ho ita-nia estatua sira ne’ebé atu tau iha laran. Maibé igreja pronto atu inaugura iha dia 6 de Outubro 2022.
Jornalista : Natalino Mendonca
Editor : Joaquim Coutinho
